Айсен Николаев: «Дьиэ кэргэн олус дьоллоох, ордук оҕолор үөрүүлэрэ муҥура суох»

Бэҕэһээ, тохсунньу 5  күнүгэр, Ил Дархан Айсен Николаев Арассыыйа Дьоруойа Филипп Евсеев уонна кини дьиэ кэргэнэ саҥа дьиэлэммит үөрүүлэрин үллэстибитин туһунан телеграм-ханаалыгар иһитиннэрдэ. 

«Евсеевтар соторутааҕыта 4 хостоох кыбартыыраны Дьокуускай куоракка ыллылар. Филиби уонна кини дьиэ кэргэнин кытта көрсөн, кинилэри кэлбит Саҥа дьылынан, Ороһуоспанан уонна саҥа дьиэлэммиттэринэн эҕэрдэлээтим. Дьиэ кэргэн олус дьоллоох, ордук оҕолор үөрүүлэрэ муҥура суох. Филипп уонна Светлана Евсеевтэр уоллаахтар уонна икки кыыстаахтар. Оҕолор аҕаларынан олус киэн тутталлар. Саҥа кыбартыыралара олус киэҥ, сырдык, улахан дьиэ кэргэн ньээкэ уйаларынан буолбут. Евсеевтэргэ бары үчүгэйи, доруобуйаны, дьолу-соргуну баҕарабын. Биһиги хайаан да кыайыахпыт!«, — диэн Айсен Сергеевич санаатын үллэстибит.