Андрей Сорокин хаартыската, СИА.
Саха сирин баһылыга Айсен Николаев “Полюс Алдан” 2024 сыллааҕы үп-хаһаайыстыбаннай үлэтин түмүгүн көрдө.
Өрөспүүбүлүкэ сиригэр-уотугар үлэлиир кыһыл көмүһү хостуур хампаанньалартан биир бөдөҥнөрүнэн “Полюс Алдан” буолар. Саха сирин кыһыл көмүһү хостуур салаата Саха сиригэр 2024 сылга үтүө түмүктээхтэр. Эрэгийиэн бүддьүөтүгэр аан бастаан нолуокка 20 бырыһыаны киллэрдилэр. Ону тэҥэ Саха сирэ бэйэтин устуоруйатыгар аан бастаан Арассыыйаҕа кыһыл көмүһү хостооһуҥҥа иккис миэстэҕэ таҕыста”, — диэтэ Айсен Николаев.
Саха сирин Ил Дархана “Полюс Алдан” инники өттүгэр үчүгэй былааннааҕын бэлиэтээтэ.
“Полюска” барыгытыгар 2024 сыллаах үлэҕит түмүгүн иһин махтанабын”, — диэтэ эрэгийиэн баһылыга.
“Полюс” хампаанньа генеральнай дириэктэрэ Алексей Востоков “Полюс Алдан” ааспыт сыллааҕы сүрүн түмүктэрин иһитиннэрдэ.
“Дьулуурдаах уонна тэрээһинннээх үлэ түмүгэр үрдүк көрдөрүүлэр ситиһилиннилэр: 9 туоннаттан тахса кыһыл көмүс хостонно, 16,7 млрд солк. инвестиция тардылынна, эрэгийиэннээҕи уонна олохтоох бүддьүөккэ нолуоктар 9,4 млрд солкуобайга тэҥнэстилэр, орто хамнас Алдан оройуонугар уонна өрөспүүбүлүкэҕэ олохтоммуттан үрдээтэ уонна улаатта. Сүрүннээн, 2014 сылтан кыһыл көмүһү хостооһун кээмэйэ икки төгүл улаатта. Бу түмүк хампаанньа үлэһиттэрин түмүгү ылыыга дьулуһууларын көрдөрөр”, — диэтэ Алексей Востоков.
Ону тэҥэ Алексей Востоков хампаанньа туруктаах инвестицията суох сайдыы кыаллыбат диэн судургу быраабыланы тутуһарын бэлиэтээтэ. 2019 сылтан 2024 сылга диэри уопсайа “Полюс Алдан” инвестицията 47 млрд солк. тэҥнэстэ.
“Полюс Алдан” салайар дириэктэрэр Евгений Малыхин бэлиэтээбитинэн, үрдүк көрдөрүүлэри ситиһиигэ 2018 сылга “Цех кучного выщелачивания” үлэҕэ киллэрии, кыһыл көмүһү ылгыыр баабырыканы хас да түһүмэҕинэн саҥардан оҥоруу, геологическай-чинчийэр үлэлэргэ үбү-харчыны угуу төһүү буолбуттар.
“Геологическай-чинчийэр үлэлэргэ сөптөөх инвестициялар түмүктэригэр сырье баазатын быһаарар кыахтанныбыт, — диэтэ Евгений Малыхин. – Ол көмөтүнэн стратегическай бырайыактар чопчуланнылар: “Надежнай” байытар комплекска үлэни кэҥэтии, “Кураанахтааҕы кыһыл көмүһү ылгыыр баабырыка оҥорон таһаарыытын улаатыннарыы, Кураанахтааҕы рудалаах хонуу баайдаах сирин соҕурууҥҥу бөлөҕөр “кучнай выщелачиваниены” сайыннарыы”.
Сүбэ мунньахха “Полюс Алдан” саҥа бырайыактарын олоххо киллэрии түмүгэр руданы сыллааҕы таҥастааһыны үс төгүл улаатыннарары ситиһиэҕэ – 25 мөл туоннаҕа диэри, сүүһүнэн үлэ миэстэтин таһаарыаҕа уонна нолуокка киллэриини элбэтиэ. Ол түмүгэр Саха Өрөспүүбүлүкэтэ кыһыл көмүһү оҥорон таһаарыы таһымынан Арассыыйаҕа 2 миэстэҕэ тахсыаҕа.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Москваҕа буолар Улуу Кыайыы 80 сыллаах үбүлүөйдээх параадыгар саха уола кыттарын туһунан үтүө сураҕы бүгүн…
Бүгүн, ыам ыйын 9 күнүгэр, Дьокуускайга Кыайыы болуоссатыгар "Кыайыыны аҕалбыт буойуннар" монумеҥҥа сибэкки дьөрбөтүн ууруу…
Саха сиригэр ойуур баһаардарын умуруорууга 154 исписэлиис үлэлиир диэн суһал ыстаап иһитиннэрэр. Суукка иһигэр барыта…
Улуу Кыайыы үбүлүөйдээх 80 сылын көрсө Марха бөһүөлэгэр 101 саастаах Аҕа дойду Улуу сэриитин кыттыылааҕа…
Мэҥэ Хаҥалас улууһун Майа сэлиэнньэтигэр тутуллубут Култуура киинигэр мэлдьи олус элбэх көрөөччү мустар. Күн сардаҥата…
Ил Дархан Айсен Николаев Арассыыйа Дьоруойа, муора пехотатын десантнай-штурмалыыр подразделениетын хамандыыра, гвардия подполковнига Дмитрий Куценконы…