Салгыы
До выборов президента РФ
00 дней
:
00 часов
:
00 минут
:
00 секунд
Айсен Николаев саҥа талыллыбыт улуус баһылыктарын кытары көрүстэ

Айсен Николаев саҥа талыллыбыт улуус баһылыктарын кытары көрүстэ

28.09.2023, 21:51
Андрей Сорокин хаартыскаҕа түһэриитэ.
Бөлөххө киир:

Ил Дархан Айсен Николаев балаҕан ыйыгар буолбут быыбарга талыллыбыт муниципальнай оройуоннар баһылыктарын кытары көрүстэ.

Көрсүһүүгэ инники турар, маҥнай оҥоһуллуохтаах үлэлэр уонна былаас уорганнарын кытары бииргэ үлэлэһии боппуруостарын дьүүллэстилэр.

Саха сиригэр балаҕан ыйын 8-10 күннэригэр өрөспүүбүлүкэ 9 муниципальнай оройуонун баһылыктарын талбыттар. Үс күннээх куоластааһын түмүгэр Горнай, Кэбээйи уонна Нам улуустарын баһылыктара саҥа болдьоххо хос талыллыбыттара. Алта улууска – Үөһээ Халыма, Таатта, Уус Алдан, Уус Маайа, Усуйаана уонна Эбээн Бытантай – саҥа баһылыктары талбыттара.

«Биһиги дойду уустук кэмигэр талылынныбыт. Былаас уорганын үлэтиттэн уонна быһаарыытыттан, хас биирдии үлэһиттэн элбэх тутулуктаах. Биһиги — биир улахан хамаандабыт. Мин бэйэм иккитэ өрөспүүбүлүкэ биир саамай улахан муниципалитетын баһылыгынан талылла сылдьыбытым, онон эһиги үлэҕит ыараханын билэбин. Эһиги дьоҥҥо кимнээҕэр даҕаны чугаскыт. Оройуоннар сайдыыларын дьыалатыгар мин эһигини өйүөм», – диэтэ Айсен Николаев.

Ил Дархан көрсүһүүгэ саҥа талыллыбыт баһылыктарга  үлэни билсэн түргэнник улуустар сайдыыларыгар үлэни салҕыылларыгар эттэ. Айсен Николаев олохтоох бэйэни салайыныы өттүттэн сыраны ирдиир түргэнник быһаарыллыахтаах сүрүн боппуруостары бэлиэтээтэ. Оройуон баһылыктара национальнай бырайыактары уонна судаарыстыбаннай бырагыраамалары, ол иһигэр хаарбах дьиэттэн дьону көһөрүүнү, социальнай эбийиэктэри тутууну, суолу өрөмүөннээһини уонна тутууну олоххо киллэрэргэ көхтөөхтүк кыттыахтаахтар.

«Биһиги нэһилиэнньэ дохуотун үүнүүтүн хааччыйыахтаахпыт. Тыа хаһаайыстыбатынан дьарыктанар улуустарга улахан сорук турар. Өрөспүүбүлүкэ олохтоохторугар бэйэ оҥорон таһаарар бородууксуйатын оҥорууну улаатыннарыахха наада», – диэн Айсен Николаев улуус баһылыктарыгар сүрүн соругу туруорда.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
27 февраля
  • -29°C
  • Ощущается: -29°Влажность: 68% Скорость ветра: 1 м/с

Сообщить об опечатке

Текст, который будет отправлен нашим редакторам: