Андрей Сорокин хаартыскаҕа түһэриитэ.
Ил Дархан Айсен Николаев балаҕан ыйыгар буолбут быыбарга талыллыбыт муниципальнай оройуоннар баһылыктарын кытары көрүстэ.
Көрсүһүүгэ инники турар, маҥнай оҥоһуллуохтаах үлэлэр уонна былаас уорганнарын кытары бииргэ үлэлэһии боппуруостарын дьүүллэстилэр.
Саха сиригэр балаҕан ыйын 8-10 күннэригэр өрөспүүбүлүкэ 9 муниципальнай оройуонун баһылыктарын талбыттар. Үс күннээх куоластааһын түмүгэр Горнай, Кэбээйи уонна Нам улуустарын баһылыктара саҥа болдьоххо хос талыллыбыттара. Алта улууска – Үөһээ Халыма, Таатта, Уус Алдан, Уус Маайа, Усуйаана уонна Эбээн Бытантай – саҥа баһылыктары талбыттара.
«Биһиги дойду уустук кэмигэр талылынныбыт. Былаас уорганын үлэтиттэн уонна быһаарыытыттан, хас биирдии үлэһиттэн элбэх тутулуктаах. Биһиги — биир улахан хамаандабыт. Мин бэйэм иккитэ өрөспүүбүлүкэ биир саамай улахан муниципалитетын баһылыгынан талылла сылдьыбытым, онон эһиги үлэҕит ыараханын билэбин. Эһиги дьоҥҥо кимнээҕэр даҕаны чугаскыт. Оройуоннар сайдыыларын дьыалатыгар мин эһигини өйүөм», – диэтэ Айсен Николаев.
Ил Дархан көрсүһүүгэ саҥа талыллыбыт баһылыктарга үлэни билсэн түргэнник улуустар сайдыыларыгар үлэни салҕыылларыгар эттэ. Айсен Николаев олохтоох бэйэни салайыныы өттүттэн сыраны ирдиир түргэнник быһаарыллыахтаах сүрүн боппуруостары бэлиэтээтэ. Оройуон баһылыктара национальнай бырайыактары уонна судаарыстыбаннай бырагыраамалары, ол иһигэр хаарбах дьиэттэн дьону көһөрүүнү, социальнай эбийиэктэри тутууну, суолу өрөмүөннээһини уонна тутууну олоххо киллэрэргэ көхтөөхтүк кыттыахтаахтар.
«Биһиги нэһилиэнньэ дохуотун үүнүүтүн хааччыйыахтаахпыт. Тыа хаһаайыстыбатынан дьарыктанар улуустарга улахан сорук турар. Өрөспүүбүлүкэ олохтоохторугар бэйэ оҥорон таһаарар бородууксуйатын оҥорууну улаатыннарыахха наада», – диэн Айсен Николаев улуус баһылыктарыгар сүрүн соругу туруорда.
Саҥа дьыллааҕы бырааһынньыктары көрсө Судаарыстыбаннай Дуума дьокутаата Олег Леонов ТАСС-ка биэрбит кэпсэтиитигэр пиротехниканы куттала суох…
ИДьМ сулууспатын Ньурба улууһун отделын дьуһуурунай чааһыгар олохтоох киһи суотабай төлөпүөнүн уорбуттарын туһунан сайабылыанньа суруйбут.…
Дьокуускай куорат борокуратуурата сэдэх (орфаннай) ыарыынан ыалдьар инбэлиит быраабын көмүскээн, үрдүк сыаналаах эминэн хааччылларын ситистэ.…
Байыаннай дьайыы бэтэрээнин Пеледуй бөһүөлэк орто оскуолатыгар тэриллибит Москва анныгар фашистскай халабырдьыттары утары кыргыһыы 84…
Саҥа Дьыл чугаһаабытынан Саха сирин олохтоохторо дьиэлэригэр, «утренниктарга» уонна тэрилтэлэрин киэһэлэригэр Тымныы Оҕонньору уонна Хаарчаананы…
Ил Дархан 2025 сыл түмүктэрин таһаарыаҕа уонна өрөспүүбүлүкэ сайдыытын кэскилин торумнуоҕа. Ахсынньы 23 күнүгэр, Дьокуускай…