СӨ Аҕа баһылыгын уонна бырабыыталыстыбатын пресс-сулууспата
Ил Дархан Айсен Николаев өрөспүүбүлүкэ судаарыстыбаннай сүбэһитэ Вячеслав Штыровы кытта көрүстэ.
Көрсүһүү саҕаланыытыгар Вячеслав Штыров Айсен Николаевы быыбарга эрэллээх кыайыытынан эҕэрдэлээтэ. «Биир ньыгыл Арассыыйа» баартыйа ситиһиитин уонна Ил Түмэн дьокутааттарын быыбарын бэлиэтээтэ.
СӨ Ил Дарханын уонна Бырабыыталыстыбатын пресс-сулууспата иһитиннэрбитинэн, өрүттэр 5 сыл иһигэр толоруллуохтаах эрэгийиэн бырабыыталыстыбатын бырагырааматын дьүүллэстилэр. Сүрүн болҕомтону агропромышленнай комплекс сайдар өрүттэригэр уурдулар. Тырааныспар салаатын үлэһиттэрин бэлэмнээһин боппуруостарын ырыттылар, Дьокуускай куорат Арассыыйа састаабар киирбитэ 400 сылыгар анаммыт тэрээһин чэрчитинэн култуурунай нэһилиэстибэҕэ анаммыт пааматынньыктары харыстааһыны уонна чөлүгэр түһэриини дьүүллэстилэр.
Үлэ саҥа технологиятын олоххо киллэрэн, тыа хаһаайыстыбатын салаатыгар сонун сүүрээннэри тобулуу соруга турар. Маны таһынан, өрүттэр сири арендалааһын боппуруоһун уонна тыа хаһаайыстыбатыгар анаммыт сири туһаныыны ырыттылар.
Тырааныспар каадырдарын бэлэмнээһиҥҥэ авиационнай тиэхиньичэскэй училище үөрэххэ аналлаах саҥа дьиэтин тутууну уонна эрэгийиэҥҥэ авиация салаатыгар исписэлиистэри бэлэмнээһин боппуруоһун дьүүллэстилэр. Маны таһынан, Жатайдааҕы судоверфь тутулла турарынан сибээстээн, Дьокуускайдааҕы уу тырааныспарын исписэлиистэрин бэлэмнээһиҥҥэ уларытылыылары киллэриини тэҥэ, бу идэ суолтатын үрдэтэри дьүүллэстилэр.
Алдаҥҥа кыбартыыраҕа баһаарга 51 саастаах дьахтар суорума суолланна, 62 саастаах эр киһи эмсэҕэлээтэ диэн СӨ…
Суруналыыстары кытта көрсүһүүтүгэр Евгений Григорьев мээр дуоһунаһыгар салгыы үлэлиир былааннааҕын туһунан иһитиннэрдэ. Ол эбэтэр быыбарга…
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…
Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…