«Айта» киинэ 25 мөлүйүөн солкуобайы хомуйбут

Степан Бурнашев «Айта» диэн ааттаах психологическай триллера Арассыыйа үрдүнэн саамай элбэх көрөөччулээх сахалыы киинэ буолла. Киинэ пуондата «ЕАИС» иһитиннэрбитинэн, «Айтаҕа» барыта 25 мөлүйүөн солкуобайга билиэт атыыламмыт. 

Ол курдук, Степан Бурнашев хартыыната Алексей Амбросьев «Агент Мамбо» кэмиэдьийэтин (16,6 мөл. солк.), Роман Дорофеев «Зина & Леха: «Операция Хвост и вымя» кэмиэдьийэтин (14,7 мөл. солк.) уонна «Кинотавр» бириэмийэ кыайыылааҕынан буолбут Дмитрий Давыдов «Пугало» киинэтин (11,6 мөл. солк.) Арассыыйа прокатыгар сиппит.

“Айта” детектив элэмиэннэрдээх психологическай триллер. Сценарийын Бурнашев уруккуттан үлэлэһэр ааптарын Тайко Светлананы кытта суруйбут, киинэ туруорааччы операторынан “Биһиги кыһыммыт” бырайыакка үлэлээбит Данила Горюнков буолбут. Сүрүн оруоллары Иннокентий Луковцев, Ильяна Павлова, Георгий Бессонов, Спартак Ларионов уо.д.а. оонньууллар.