Горнай улууһугар Бэрдьигэстээххэ олохтоох ааптар Олесова А.Н. – Айталыына «Тахсар күнүм сарыала…» хоһооннорун хомуурунньугун сүрэхтэниитэ буолла.
«Сыккыс» литературнай түмсүү салайааччыта, СӨ социальнай сулууспатын туйгуна Айталина Николаевна Олесова – Айталыына «Тахсар күнүм сарыала…» үбүлүөйдээх бэлиэ сылыгар иккис кинигэтин сүрэхтэниитэ П.Д.Аввакумов аатынан киин бибилэтиэкэ ааҕар саалатыгар олус сэргэхтик ыытылынна.
Кинигэ сүрэхтэниитигэр республикабыт араас муннуктарыттан айар дьон кэлэн кыттыыны ыллылар: Дьокуускай куораттан С.Иванова — Санаара, ырыаһыт, мелодист, СӨ культуратын туйгуна, СӨ ырыа айааччыларын сойууһун чилиэнэ К.Мохначевскай – Саһарҕа, Сунтаар улууһуттан «Ньургуһун» литературнай түмсүү кыттыылааҕа Е.Антонова – Күн Сиккиэрэ, Мэҥэ Хаҥалас улууһуттан «Таммахтар» литературнай холбоһук уонна республикатааҕы «Иэйии» уһуйаан иитээччитэ И.Николаева – Угинка.
Кинигэ Юлия Данилова редакциятынан Дьокууускай куоракка «Дани-Алмас» издательствотыгар 100 экземлярынан бэчээттэнэн тахсыбыт. Бу ааптар олоҕун орто омурҕанынан кэрэһэлиир хомуурунньуга буолар. Айталыына хоһоонноругар оҕо, эдэр саас ахтылҕана, дьахтар анала, олохтон, үлэттэн дуоһуйуу, айылҕа кэрэ көстүүтүгэр, олоххо таптал, толкуй хомуллубуттар.
Көрсүһүүгэ кыттыыны ылбыт ыалдьыттары кытта истиҥ, иһирэх кэпсэтии тэрилиннэ. Ааптар Айталыына хоһооннорун «Сыккыс» литературнай түмсүү кыттыылаахтара аахтылар. Поэт, РФ суруналыыстарын сойууһун чилиэнэ, СӨ бэчээтин туйгуна Р.Платонов, Айталыына учуутала, СӨ үөрэҕин тиһигин Бочуоттаах бэтэрээнэ, РСФСР уонна ССРС норуотун үөрэҕириитин туйгуна, СӨ үтүөлээх учуутала В.Николаев ааптар хоһооннорунан ис хоһоонноох ырытыылары оҥорбуттара дьон болҕомтотун тарта. Ырыаһыт, мелодист Константин Мохначевскай -Саһарҕа, Нина Сутакова-Айылҕаана, Василина Черепанова, Федора Сергеева, Дария Алексеева ыллаан-туойан биэчэри киэргэттилэр. Айталыына тылларыгар матыыптаммыт ырыалар ылланнылар. Айталыынаҕа элбэх эҕэрдэ, үтүө санаалар этилиннилэр.
Айталина Санникова,
Горнай, Бэрдьигэстээх
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…