Айва, Эрбуол, Уран – тохсунньуга төрөөбүттэр

Саха сиригэр оҕолоох ыалы өйүүр араас дьаһаллар ылыллаллар, олоххо киирэр буоланнар, оҕо төрөөһүнэ биллэрдик элбээтэ. Тохсунньу ыйга 900-тэн тахса оҕо төрөөбүтүттэн улахан аҥара – уол.

ЗАГС дааннайынан, быйыл сыл саҥатыгар төрөөбүт уол оҕолору үгүстүк Тимур, Лев, Дьулур, Дмитрий, Марк уонна Эрсан диэн ааттаабыттар. Сэдэх ааттарынан уолаттарга: Адам, Саймон, Эрбуол, Алекс, Арарат, Властислав, Касьян, Молот, Уран, Эрик буолбуттар. Оттон кыргыттары саамай элбэхтик: София, Мия, Амелия, Алиса, Аделина уонна Ева диэн ааттаабыттар. Кыргыттарга Юнона, Иоанна, Луна, Хотуна, Руслана, Айва, Камила, Милослава, Николь диэн сэдэх ааттары иҥэрбиттэр.