Ааптар хаартыскаҕа түһэриитэ
Бүгүҥҥү бэлиэ даатаны – Саха Өрөспүүбүлүкэтигэр Гражданскай актыбыыс күнүн көрсө Саха сирин үрдүнэн араас тэрээһиннэр бара тураллар. Өрөспүүбүлүкэ үрдүнэн кэммиэрчэскэйэ суох 2377 тэрилтэ, ол иһигэр социальнай хайысхалааҕа – 2289.
Биир оннук тэрилтэнэн «Саха сирэ эйигин кытта!» уопсастыбаннай хамсааһын буолар. Ыстаап салайааччыта Айыл Дьулурханы билбэт киһи суоҕа буолуо, кини кырдьык дьон туһугар кыһаллар, уопсастыба, өрөспүүбүлүкэ сайдарын туһугар ис сүрэҕиттэн ыалдьар, кыһаллар киһи. Айыл Дьулурха үлэтин туһунан маннык кэпсиир:
— Саха Өрөспүүбүлүкэтигэр Гражданскай актыбыыс күнүн көрсө Ил Дархан биһиги ыстааппытыгар бэйэтэ кэлэн, үлэбит-хамнаспыт хайдах барарын көрдө-иһиттэ. Онтон уопсастыбаннай хамсааһын волонтердара наһаа үөрдүбүт. Айсен Сергеевич тугунан дьарыктанарбытын илэ хараҕынан көрөн, маскировочнай сиэккэни бэйэтэ эт илиитинэн тутан, баайан көрдө.
«Саха сирэ эйигин кытта!» уопсастыбаннай хамсааһыҥҥа актыыбынай позициялаах, бэйэлэрин баҕаларынан үтүөнү саҕар, араас идэлээх дьон, ыччат, устудьуоннар кэлэн үлэлэһэллэр. Манна иистэнэр сыахха иистэнньэҥнэр байыаннай дьайыыларга сылдьар байыастарбытыгар наадалааҕы барытан тигэллэр, ыччаттар бааҥкаларга өр умайар чүмэчини оҥороллор, атыттар маскировочнай сиэккэлэри баайаллар, баһыылкалары таһаллар. Ити барыта биһиги байыаннай дьайыыга сылдьар байыастарбытыгар көмө буолар, кыайыыга кынаттыыр.
Биһиги уопсастыбаннай хамсааһын волонтердарын санааларын истэн, истиҥник кэпсэтэн барбытыгар махтанабыт. Байыаннай дьайыыга сылдьар дьоммутугар бииргэ, эһиэнэ-биһиэнэ диэбэккэ, бары биир хамаанда буолан көмөлөһүөххэйиҥ, өйүүргэ бэлэммит диэн эппититтэн астынныбыт. Биһиги материальнай эрэ буолбакка, моральнай өйөбүл баарын, болҕомто уурулларын билэммит күүспүтүгэр күүс эбилиннэ. Салгыы өссө күүскэ үлэлииргэ бэлэммит!
Арассыыйа Юстицияҕа министиэристибэтэ суут үлэтигэр сыһыаннаах саҥа бырайыагы бэлэмнээтэ диэн Ил Түмэн иһитиннэрэр. Мировой суукка…
Быйыл күһүн Мэҥэ Хаҥалас улууһугар Маттаҕа аҕам саастаах уонна доруобуйаларынан хааччахтаах дьон дьиэлэрэ үлэҕэ киириэхтээх.…
ИДьМ 2-с нүөмэрдээх полиция салаатын дознавателэ куорат биир оскуолатыгар тахсыбыт быһылаанынан РФ Холуобунай Кодексын 163-с…
Ил Дархан Айсен Николаев 2024 сыл түмүгүнэн “Водоканал” АУо үпкэ-хаһаайыстыбаҕа үлэтин түмүгүн көрөр мунньахха, Дьокуускай…
Көлүөнэттэн-көлүөнэҕэ бэриллэр бит-билгэ арааһа баар. Үгүс дьон онно олуһун итэҕэйэр, оттон сорохтор наадыйбаттар, улахаҥҥа уурбаттар.…
АЛРОСА Саха сирин бырабыыталыстыбатын уонна Хотугу сир аҕыйах ахсааннаах төрүт норуоттарын ассоциациятын кытары хардарыта бииргэ…