Айылҕа чочуйбут бөдөҥ алмааһа Улуу Кыайыы 80 сылынан ааттанна
10.05.2025, 16:00
Хаартыска: АЛРОСА пресс-сулууспата
Бөлөххө киир:
Москваҕа Саха сиригэр хостоммут ювелирнай хаачыстыбалаах Арассыыйа биир бөдөҥ алмааһын билиһиннэриитэ буолан ааста. Бу туһунан АЛРОСА хампаанньа иһитиннэрэр.
Саха сиригэр дойду үрдүнэн биир саамай улахан ювелирнай хаачыстыбалаах алмааһы Кыайыы 80 сылынан ааттаабыттар. Күндү таас ыйааһына 468,30 карат, ол эбэтэр 93,66 грамм буолар. Минерал саһархай (янтарнай) өҥнөөх уонна кыһыл көмүс уотунан толбоннурар.
Таас кырыыларын айылҕа чочуйбут. Алмаас кээмэйэ — 56-54-22 миллиметр. Саамай уратыта диэн алмаас Улуу Кыайыы 80 сылыгар көстүбүт, онон күндү тааһы Кыайыы күнүгэр анаабыттар. Минерал «Аҕа дойду Улуу сэриитигэр Кыайыы 80 сыла» диэн ааттаммыт.
«2025 сылга дойду историятыгар ураты алмаас уратын миэстэни ылыаҕа. Муус устар саҥатыгар биһиги дойдубутугар биир бөдөҥ, 100- тэн тахса караттаах, 2 устата кырыыламмыт бриллианы көрдөрүүгэ таһаарбыппыт. Быйыл айылҕа эмиэ дьикти булумньуну бэлэхтээтэ. Билигин Арассыыйаҕа хостонор ювелирнай хаачыстыбалаах саамай улахан алмааһынан буолар. Улуу Кыайыы 80 сылын көрсө булулунна. Онон алмаас аатыгар бэлиэ даатаны иҥэрэргэ быһаарыы ылыммыппыт», — диир АЛРОСА генеральнай дириэктэрэ Павел Маринычев.
Сообщить об опечатке
Текст, который будет отправлен нашим редакторам: