Бүлүү Хотун кытылыгар «Абааһы балаҕана», «Сир хараҕа», «Соколинай» курдук дьикти кытыллар бааллар. Бу күннэргэ эмиэ бэрт дьикти таастыйбыт мастарга маарыҥныыр көстүүнү буллулар.
Сааскы халаан уута Бүлүү өрүһү суурайан, кытылга араас айылҕа дьиктилэрин таһаарар. Бу күннэргэ сир кырсыттан 30-ча миэтэрэ аллараа былыргы үйэтинээҕи таастыйбыт бөдөҥ мастар тахсыбыттарын буллубут.
Аҕыйах хонуктааҕыта Ойуур хаһаайыстыбатын салайааччыта Василий Козлов үлэтинэн рейдэ оҥоро сылдьан, бу дьикти таас мастары булбута. Бу таас мастардаах сир Уустуйа аннынан Бүлүү Эбэ уҥа кытылынан 3 килэмиэтирдээх чугас сиргэ баар. Кытыл сирэйин быһа анньан тахсыбыт таастар былыргы мастарга маарыҥныыллар. Археолог Вильям Яковлев видеонан көрөн, ону эмиэ бигэргэтэн былыргы көстүү диэн сабаҕалаата.
Дьэ, дьикти аны мастар биир таһымҥа сыталлара, киһи эрбээбитин курдук бысталаммыттара киһини сөхтөрөр. Бэл, сорох көрбүт «Нуой ковчега» дэһэллэр. Аны бу таастар аттыларыгар хайа хаспаҕыттан икки күрүлгэн үрүйэлии сүүрэ сытара кэрэхсэтэр.
Онтон Түбэйгэ өрүс кытылын Үрүҥ Хайатыгар бэлэм суорунаҕа маарыҥныыр элбэх таастары булаллар. Дьон ону ылан туһаҕа да таһаарар түгэнэ баар.
Бу айылҕа дьиктилэрин дьиҥ кырдьыгын анал чинчийээччилэр эрэ быһаардахтарына буолуо… биһиги таас, мас диэбиппит сабаҕалааһын буоллаҕа. Хата кэлиҥ уонна үөрэтиҥ!
Тускулаана ГОРОХОВА-КОБЕЛЬЯНОВА
Дьокуускайга балаҕан ыйын 21 күнүгэр "Кросс нации" сүүрүү ыытыллыаҕа. Бу туһунан СӨ физическэй култуураҕа уонна…
СӨ Борокуратууратын дааннайынан, ааспыт сууккаҕа Саха сиригэр 11 буруйу оҥоруу тахсыбыт. Дьокуускайга ювелирнай мастарыскыайы халаан,…
Таатта улууһун олохтооҕо Афанасий Лопатин хортуоппуй хостуур тэрили толкуйдаабытын туһунан СИА суруйар. Бу тэрил хортуоппуйу…
СӨ Борокуратууратын дааннайынан, 2024 сыл аҕыс ыйын иһигэр өрөспүүбүлүкэ дьахталлара 1023 буруйу оҥорбуттар, ол иһигэр…
Бүгүн, балаҕан ыйын 19 күнүгэр, Саха сирин хоту, хотугулуу-илиҥҥи, Арктика оройуоннарыгар сорох сиринэн инчэҕэй хаар,…
Саха сирин Бырабыыталыстыбатын бэрэссэдээтэлин бастакы солбуйааччы Дьулустан Борисов Нерюнгри улууһугар оробуочай сырыытын кэмигэр Соҕуруу Саха…