Айылҕа харыстабылын үлэһиттэрэ ыыппыт тиэхиньикэлэрэ миэстэтигэр тиийдэ

Байыаннай дьайыыга Аҕа дойдуларын хорсуннук көмүскүү сылдьар байыастарга анаан бэлэмнэниллибит тиэхиньикэ миэстэтигэр тиэрдилиннэ диэн иһитиннэрэр СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтин пресс-сулууспата.

Байыастар Сунтаар улууһун дьаһалтатыгар уонна экологтарыгар улахан махталларын тиэрдэллэр. Уолаттар массыына ханнык даҕаны суолтан иҥнибэккэ айанныырын уонна толору бэлэмнээҕин бэлиэтээтилэр.

Санатан эттэххэ, СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтэ уонна Биологическай ресурсалар дириэксийэлэрэ, Айылҕа ураты харыстанар сирдэрин уонна паарката, «Сунтаар улууһа» МТ итиэннэ Сунтаар улууһун сайдыытын пуондата  байыаннай дьайыыга кытта сылдьар байыастарга биэрэргэ икки УАЗ массыынаны бэлэмнээбитэ.

Биир массыына тиийэн, уолаттарга тиэрдилиннэ, иккис сотору кэминэн аадырыһыгар тиэрдиллиэ. Бу тиэхиньикэлэри уолаттар бэйэлэрин баҕаларынан өрөмүөннээн оҥоһулунна.