Айылҕа туһунан билиигин тургутан көр

Сэтинньи 25 күнүттэн ахсынньы 8 күнүгэр диэри Бүтүн Арассыыйатааҕы айылҕа харыстабылын дьыктаана буолар диэн СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэ иһитинэрэр.

Экодиктант – бу экологическай култуураны үөскэтиигэ, нэһилиэнньэ араас араҥатыгар айылҕа харыстабылын туһанан билиини тарҕатыыга, айылҕа харыстабылын өйдөбүлүн үрдэтиигэ туһуламмыт сылын аайы ыытыллар бырайыак.

Быйыл сэтинньи 25 күнүттэн ахсынньы 8 күнүгэр диэри экодиктант.рус порталга онлайн пуорманан, ону тэҥэ Арассыыйа үрдүнэн уонна тас дойдуларга офлайн-платформаларыгар билиигитин бэрэбиэркэлиэххитин сөп. Алтыс Экодиктант тиэмэтинэн буолар: «Кыһыл кинигэ тиллэр: Экодиктант айылҕаны быыһыыр суол быһыытынан». Экодиктаҥҥа Кыһыл кинигэҕэ, харыстанар сирдэргэ уонна экотуризмҥа сыһыаннаах суолталаах, билиҥҥи экологическай кыһалҕалар тустарынан боппуруостар киириэхтэрэ.