Айылҕа улуу дьоҕурдаахтара: Чачыгыр Таас Ойууну ыҥырыылара

«Улуу ойуун күүһэ биэс үйэ өһүллүбэт» дииллэр эбит. Чачыгыр Таас Ойуун 1500-1600 сс. кэмҥэ, олорон ааспыт улуу ойуун. 

«Былыр Чолбону, үөһээҥҥи мэһэйдэри суох оҥорорго тимири таһаарбакка, сүөһү, тайах лаппааккытынан, кыыл муоһунан кэрдэллэрэ, суох оҥороллоро үһү… Аҕам кыратыгар ийэтэ ыалдьыбытыгар ойууну ыҥыран аҕалан кыырдарбыттар. Арай ойууннара биир муннукка туран оҕустаҕын аайы, уот сардыргыыр үһү. Кырдьык, кыыдаан тымныыга сылдьыбыттыы, ойууннара бүтүннүү кырыаран хаалбыт.  Таҥаһа бүтүннүү муус чопчу буолбут. Хараҕы баайар диэҕи, харах баайыыта буолбатахха дылы үһү, дьиэлэрин үрдэ аһаҕас диэххин, бүтүннүү сабыылаах үһү. Хор, оннук күүстээх кырдьаҕастар бааллара диэн кэпсиирэ аҕам.  Кини хаһан да «ойууннар» диэбэт этэ, «кырдьаҕастар» диирэ. «Оннооҕор оҕо ойууну кырдьаҕас диэн ааттыыллара», — диирэ.

А.С.Федоров «Төлкө түүллээхтэр, билгэ биттээхтэр» кинигэтиттэн.

«Бичик», 2014 с.