Айыллаан Винокуров: «Арассыыйа эдэр ыччата» национальнай бырайыак ыччат бэлиитикэтэ сайдарыгар төһүү буоларыгар эрэнэбин»

Арассыыйа Бэрэсидьиэнэ Владимир Путин бүгүн Федеральнай Мунньахха туһаайан эппит Анал этиитинэн бэйэтин санаатын СӨ волонтердары кытары үлэҕэ киинин дириэктэрэ Айыллаан Винокуров бэйэтин санаатын эттэ:

— Бүгүн биһиги дойдубутугар улахан суолталаах күн буолан ааста. Биһиги Бэрэсидьиэммит Владимир Путин Анал этиитигэр, бастатан туран, «Мы вместе!» аахсыйаҕа үлэлэһэ сылдьар волонтердары бэлиэтээтэ. Анал байыаннай дьайыыга кытта сылдьар байыастарга «Мы вместе!» аахсыйаҕа кыттыылаахтара күүс-көмө буолаллар. Итиэннэ, иккиһинэн, дойдуга анал «Арассыыйа эдэр ыччата» национальнай бырайыак баар буолуо диэн этиитин биһирии иһиттибит. Маннык бырайыак баара, дойдуга да, өрөспүүбүлүкэҕэ да ыччат судаарыстыбаннай бэлиитикэтэ өссө сайдарыгар төһүү буолуо диэн эрэнэбин.