Айыллаан Винокуров: «Саха сирин волонтердара 5,5 тыһыынча сайаапканы көрдүлэр»

Саха сириттэн байыаннай дьайыыга кытта сылдьар саллааттар дьиэ кэргэттэриттэн киирбит 5,5 тыһыынча сайаапканы волонтердар көрдүлэр диэн #МЫВМЕСТЕ эрэгийиэннээҕи ыстаап салайааччыта Айыллаан Винокуров иһитиннэрдэ.

«Байыаннай дьайыыга сылдьар байыастар дьиэ кэргэттэригэр аадырыстаах көмө оҥоһуллара салҕанар. Волонтердар күннэтэ сайаапкалары көрөллөр. Дьиэ-уот үлэтигэр, көһүүгэ  көмөҕө наадыйан ордук сайаапкалаһаллар. Өрөспүүбүлүкэ үрдүнэн билигин 5,5 тыһыынчаттан тахса сайаапканы волонтердар көрдүлэр», — диэн Айыллаан Винокуров этэр.

Байыастар дьиэ кэргэттэрэ сайаапкаларын «122» нүөмэргэ эрийэн хаалларыахтарын сөп диэн СӨ Ил Дарханын уонна Бырабыыталыстыбатын дьаһалтатын пресс-сулууспата иһитиннэрэр.