СИА хаартыската
Саха сиригэр волонтердар хамсааһыннара күүскэ сайдан эрэр, нэһилиэнньэ туора турбакка, көмөлөһөргө дьулуһар диэн СӨ волонтердары кытары үлэҕэ киинин дириэктэрэ Айыллаан Винокуров байыаннай дьайыыга волонтердар көмөлөрүн туһунан кэпсиир:
— Бүгүҥҥү туругунан «Мы вместе!» өрөспүүбүлүкэтээҕи ыстаап үлэтин салгыы ыытар. Биһиги билигин икки хайысханан үлэлиибит. Ол курдук бастакы хайысхабытынан буолар, байыаннай дьайыы кыттыылаахтарыгар уонна кинилэр дьиэ кэргэттэригэр аадырыстаах көмөнү оҥоруу. Байыаннай дьайыы кыттыылааҕын дьиэ кэргэнин чилиэннэрэ биһиэхэ сайаапка хааллараллар, оччоҕо биһиги волонтердарбыт көмөлөһөллөр. Дьиэ ис-тас үлэтиттэн, муус ылыытыгар, мас мастааһыныгар, маҕаһыынтан бородуукта, аптекаттан эмп ылыыга тиийэ, о.д.а. волонтердар көмөлөһөллөр. Байыаннай дьайыы саҕаланыаҕыттан 5000-н тахса сайаапканы толордубут.
Иккис хайысхабыт буолар, гуманитарнай көмөнү оҥоруу. Онно биһиэхэ Дьокуускай куорат Орджоникидзе уулуссатыгар баар «Якутия с тобой!» уопсастыбаннай хамсааһыммыт улахан үлэни толорор. Бу ыстаапка көмөнү хомуйан байыаннай дьайыы буола турар сиригэр ыытабыт. Маны таһынан ханнык баҕарар байыаска баһыылкалары эмиэ ылабыт. Ону Орджоникидзе уулусса 10 №-дээх дьиэтигэр баар ыстаапка аҕалан туттарыахтарын сөп. Ыстааппытыгар сүрдээх элбэх волонтер көмөлөһө сылдьар. Араас идэлээх, эдэр даҕаны, эмэн даҕаны бары кэлэн көмөлһөллөр.
Иистэнньэҥ-волонтердарбыт байыаннай дьайыыга сылдьар уолаттарга таҥас тигэллэр. Ол да буоллар, иистэнэр дьон баар буоллаҕына, көмөлөһө кэлэллэригэр ыҥырабыт. Баҕалаах дьон биһиэхэ хаһан баҕарар кэлэн көмөлөһүөххүтүн сөп. Күн ахсын сарсыарда 10.00 ч. киэһэ 19.00 ч. диэри биһиги ыстааппыт үлэлиир. Билигин көмөлөһө сылдьар бары волонтердарга «Мы вместе!» өрөспүүбүлүкэтээҕи ыстааптарын аатыттан барҕа махталбытын тиэрдэбит.
Бүгүн, ахсынньы 28 күнүгэр, Саха сирин сорох улуустарыгар хаар түһэр, күүстээх тыал түһэр. Саамай дьиктитэ…
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…