Хаартысканы Тускулаана тиксэрдэ.
Үлэ күнүн көрсө Айылтаана Егорова көҕүлээһининэн Сунтаар нэһилиэгин Томуһукаан күөлүн муостата араас дьэрэкээн өҥүнэн оонньоото. Киһи көрөн үөрэр, сөҕөр, махтайар.
Мин кинини «Саҥа кэм киһитэ» биэриибэр устарбар чугастык билсибитим. Чаас иһигэр кардиган тигэн соһуппуттаах, онтон бэттэх кырачаан балтым Ньургуйаана чугас дьүөгэтин, кэрэни айааччы быһыытынан олус чугастык ылынабын.
Айылтаана, балтым, Дьулус, Айтал атастыы ыччат дьон Сунтаарбытыгар киһи кэрэхсиир өйдөбүнньүк айымньылара элбэх. Онтон биирдэстэрэ быраҕыллан турбут бэкээринэ эркинигэр «Мин Сунтаартан сылдьабын» диэн арт-сурук, манна кэлбит эрэ бары хаартыскаҕа түһэр үтүө өйдөбүнньүктэрэ буолбута. Онтон Мачыыска баараҕай маска хаачыал оҥорон сөхтөрбүттэрэ.
Айылтаана сылын аайы элбэх оҕолоох кэрэ аҥардарга «Преображения» оҥорон дьоллуура бэйэтэ туспа кэрэ түгэн. Кини айара-тутара, дьону үөрдэрэ-дьоллуура олус элбэх. Аны бу үлэ өрөгөй күнүн көрсө маннык кэрэни биһиэхэ бэлэх уунна. Бу айар үлэҕэ кэргэнэ Василий уолаттардыын муоста устун мастары тыыран биэрбитин 50-ча ыччат араас өҥнөөх таҥас кырадаһыннарын (салама кэриэтэ) ыйаталаан астык көстүүнү оҥордулар.
Айылтаана, эйигиттэн, эһигиттэн өссө да кэрэ көстүүлэри үөрэ-көтө күүтэбит!
Тускулаана ГОРОХОВА-КОБЕЛЬЯНОВА.
Бэҕэһээ, Ньукуолун күнүн көрсө, Чурапчы улууһун Арыылаах нэһилиэгин кусчуттара кырдьаҕас дьону, соҕотох дьахталлары куһунан күндүлээтилэр.…
Таатта улууһун Ытык Күөл нэһилиэгэр бэҕэһээ, ыам ыйын 21 күнүгэр, түөлбэлэр икки ардыларыгар самаан сайыны…
Арассыыйа Үрдүкү Сэбиэтин Президиумугар, 1995-2000 сылларга Госдуумаҕа, онтон I, II, III ыҥырыылаах Ил Түмэн дьокутаатынан…
Нам уонна Кэбээйи улуустарыгар уу таһыма сыыйа түһэн эрэрин туһунан бырабыыталыстыба бэрэссэдээтэлин бастакы солбуйааччы Дмитрий…
Урбаанньыт Владислав Соловьев халаан уутуттан эмсэҕэлээбит Маймаҕа, Хатырык, Граф Биэрэгэ, Модут нэһилиэктэрин олохтоох дьаһалталарыгар ууну…
Ыам ыйын 21 күнүгэр 19.03 чааска баһаарынай быыһыыр сулууспаҕа Дьокуускай куоракка "Сатал" түөлбэҕэ массыына умайа…