«Айыы ситимэ» түһүлгэ оскуолалары түмтэ

Share

Олунньу 21 күнүгэр  Оҕо айымньытын  дыбарыаһыгар «Айыы кыһата» национальнай гимназия киин куорат сахалыы тыллаах оскуолаларын түмэн, «Айыы ситимэ» ырыа-тойук түһүлгэтин тэрийдэ.

Бу тэрээһин быйыл иккис сылын ыытыллар. Кэрэхсэбиллээҕэ баар, бу тэрээһиҥҥэ оҕолор, төрөппүттэр уонна учууталлар биир ситиминэн кытталлар.  Бу күн Дьокуускай куорат 9 саха оскуолата бары бииргэ түмсэн сахалыы ырыаны дьиэрэттилэр, оһуор үҥкүүтүгэр дайдылар. Саха  политехническэй лиссиэй үөрэнээччилэрэ  кырыымпа, хомус доҕуһуоллаах «Сахам сирэ» ырыаны уратытык толоруулара көрөөччү болҕомтотун тарта. Дьокуускай куораттааҕы национальнай гимназия, Саха гимназиятын уонна 38-с №-дээх оскуола учууталларын вокальнай-инструментальнай бөлөхтөрө байыаннай дьайыы кыттыылаахтарыгар ырыалары анаабыттара үгүс дьону долгутта. 2-с №-дээх политехническай оскуола «Саха үҥкүүтэ», өрөспүүбүлүкэтээҕи лиссиэй, Хатас оскуолатын уонна Айыы Кыһатын эр дьон учууталларын бөлөҕө толорбут «Кыталык ырыата» нүөмэрдэрэ дохсун ытыс тыаһынан доҕуһуолланна. Маны тэҥэ, Хатас орто оскуолатын үөрэнээччилэрэ саха үҥкүүтүн туруоруулара  көрөөччү сэҥээриитин ылла. «Айыы кыһатын» үөрэнээччилэрэ бииртэн биир толорор нүөмэрдэриттэн бэйэлэрэ кытта астынан, сырдаан сыанаҕа тахсаллара,  көрөөччүгэ дуоһууйуну, үөрүүнү бэлэхтээтэ.

«Айыы кыһата» национальнай гимназия «Айыы ситимэ» ырыа-тойук түһүлгэтин тэрийэр бырайыагыттан киирбит үптэн анал байыаннай дьайыы кыттыылаахтарыгар көмө быһыытынан туттарылларын туһунан оскуола дириэктэрэ Лидия Шамаева иһитиннэрдэ.

Бу күн “Айыы ситимэ” үөрэнээччини, учууталы уонна төрөппүтү эрэ буолбакка, сахалыы тыллаах оскуолалары барыларын биир ситимнээтэ, сонун сүүрээннэри тобуларга көҕүлээтэ.

Recent Posts

  • Сонуннар
  • Уопсастыба

«Халлаан каравана» улуустары ситимниэ дуо?

Пилота суох көтөр аппарааттар, дирижабллар уонна экранопланнар инникитин хотугу таһаҕаһы тиэрдии — ол эбэтэр, Сибиир уонна…

13 минут ago
  • Сонуннар
  • Үөрэх

Үөрэх баар — бараммат баай

Үөрэх үлэһиттэрин атырдьах ыйынааҕы мунньаҕа, ааспыт сыллары кытта тэҥнээтэххэ, тус бэйэм санаабар, ордук кыһалҕалааҕынан, итиэннэ…

43 минуты ago
  • Сонуннар
  • Уопсастыба

Балаҕан ыйын 1 күнүгэр хайдах күн-дьыл буолуоҕай?

Саха сирин синоптиктара балаҕан ыйын 1 күнүгэр былыттаах, сөҥүүтэ суох күнү-дьылы билгэлииллэр. Күн-дьыл хайдах буолуоҕун…

57 минут ago
  • Сонуннар
  • Тыа хаһаайыстыбата
  • Уопсастыба

Балыктаах эдэр пиэрмэрдэрэ саҥа дьыалаҕа ылыстылар

Киэҥ нэлэмэн хонуу ортотугар араас тиэхиньикэнэн оттуу сылдьар дьону утары көрбүтүнэн тиийдим. Бастаан утаа “уолаттарбын…

1 час ago
  • Сонуннар
  • Сүрүн

Оҕо оонньообута иэдээҥҥэ тиэрдиэн сөп…

Тренд, муода барыта батысыһыылаах уонна ардыгар иэдээннээх буолар. Ол курдук, самокаттан саҕаламмыт муода аны питбайк…

2 часа ago
  • Сонуннар
  • Үөрэх

Коронавирус саҥа долгунуттан сылтаан дистанционнай үөрэххэ көһүү туһунан сымыйа  сурах тарҕанна

Социальнай ситимнэринэн уонна сорох СМИ-нэн балаҕан ыйыгар оскуолалар коронавирус саҥа «Стратус» штамма тарҕаныыта үрдээбититтэн дистанционнай…

2 часа ago