Хаартыска Мэҥэ Хаҥалас улууһуттан
Бүгүн Мэҥэ Хаҥалас улууһугар биир дойдулаахтара, ытык киһи, сахалартан бастакы академик Владимир Петрович Ларионов төрөөбүтэ 87 сылынан кини сырдык аатыгар сүгүрүйэн, төрөөбүт сиригэр-уотугар, 1-кы Тыыллыма нэһилиэгэр, улааппыт өтөҕөр итиэннэ кини аатын сүгэр Майа орто оскуолатыгар дьон туһугар олорбут олоҕун, оҥорбут үгүс үлэтин ахтан-санаан аастылар.
«Владимир Петрович тыа сиригэр төрөөн-үөскээн, үүнэн-сайдан тахсан, Ийэ сирбэр, төрөөбүт норуоппар туһаны аҕалбыт киһи диэн санааны тумус туттан, улууһун, дойдутун сайдыытын туһугар таһаарыылаах үлэтин-хамнаһын ыыппыта. Владимир Ларионов дьоһун олоҕунан, үлүскэн үлэтинэн, норуотугар кыһамньытынан дьон-сэргэ ытыктабылын ылар. Кини чаҕылхайдык олорон ааспыт олоҕор, үлэтигэр-хамнаһыгар биһиги ыччаттарбытын, оҕолорбутун иитэбит», — диэн Мэҥэ Хаҥалас улууһун баһылыга Дмитрий Тихонов эттэ.
Хас биирдии бэйэбит омукпут аатын өрө тутан, тапталлаах Сахабыт сирин туһугар инникитин даҕаны түмсүүлээхтик, таһаарыылаахтык айа-тута, үлэлии-хамсыы туруоҕуҥ диэн Мэҥэ Хаҥалас улууһун дьаһалтатын пресс-сулууспата иһитиннэрэр.
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Тайах оҕото"…
Өрөспүүбүлүкэҕэ эми-тому атыылаһыыга уонна тарҕатыыга сыһыаннаах эмп-том хааччыйыытын ньымалара тохсунньу 9 күнүгэр СӨ Ил Дархана…
Ньурба улууһугар полиция үлэһиттэрэ Саҥа дьыл түүнүгэр тыаҕа муммут уонна суолга хаарга хаайтарбыт массыыналаах ыалга…
Дьокуускай куорат борокуратуурата криптовалютаҕа инвестициялыыр аатыран дьон үбүн-харчытын уорууга сыһыаннаах холуобунай дьыаланы суукка ыытта. Бу…
Ил Дархан Айсен Николаев бэҕэһээ, тохсунньу 9 күнүгэр, оробуочай сырыытынан Дьокуускайга баар Искэн киинин үлэтин…
СӨ Ил Дархана Айсен Николаев тохсунньу 9 күнүгэр Дьокуускайга 253 миэстэлээх 1 №-дээх орто оскуола…