СИА хаартыската.
Ньурба улууһун Акана нэһилиэгин баһылыга Ефрем Семенов байыаннай эпэрээссийэҕэ кытта сылдьар түөрт байыаннай сулууспалаах уолаттарыгар, кинилэр дьиэ кэргэттэригэр олохтоох дьаһалта, нэһилиэк уопсастыбаннаһын, ыччаттарын өттүлэриттэн көмө тэриллэ, оҥоһулла турарын кэпсээтэ.
— Аканаттан быстах ыҥырыыга 4 киһи хабыллан байыаннай эпэрээссийэҕэ барбыта, олортон маннааҕы олохтоох биир уолбут куораттан барбыта. Бу уолаттарбыт дьиэ кэргэттэригэр бүддьүөттэн 50-нуу тыһыынча солкуобайы мас-от тиэйтэрэллэригэр эбэтэр мастара-отторо тиийбэт буоллаҕына, атыылаһалларыгар диэн харчынан өйөбүл оҥорбуппут. Тэрилтэлэринэн, нэһилиэгинэн харчы хомуйан ыытабыт.
Бу кэмнэргэ икки уолбут уоппускаларыгар кэлэн бардылар. Онно кинилэри кытта көрсүһүү тэрийэн, кэпсэтэн-ипсэтэн, алгыспытынан арчылаан, тэрилтэлэрбит, нэһилиэнньэбит харчы хомуйан туттаран атаарбыппыт.
Оройуон дьаһалынан тэриллибит байыаннай сулууспалаахтарга уонна кинилэр дьиэ кэргэттэригэр көмө пуондатыгар биир күннээҕи хамнаһы түмэн ыыта олоробут. Ону таһынан эрдэ нэһилиэнньэттэн 65000 солк. уу харчынан хомуйан биэрбиппит.
Эбээлэрбит түмсүүлэрэ сылаас таҥаһы-сабы, байыаннай экипировканы, наһыылкалары, вещьмешоктары уо.д.а. тигэн ыыта олороллор. Сахабыт сирин бары нэһилиэктэригэр курдук, Акана нэһилиэгэ байыаннай сулууспалаахтарбытын өйөөһүҥҥэ биир санаанан кытта, тэрээһиннээх үлэни ыыта олорор.
Ахсынньы 28 күнүгэр өрөбүллээҕи Оһуокайбыт буолла.Быйыл иккис сылын Чысхаан кэлэн алгыстаах оһуокайы таһаарда. Чысхаан оруолун…
Биэс сыллаах тохтобул кэнниттэн Москваҕа тыһыынчанан оҕолорго анаан Кириэмил харыйатын тэрээһинэ ыытылынна. Кинилэр истэригэр Саха…
Бу күннэргэ Горнай улууһун Землячествота саҥалыы тыыннаах тэриллибитэ 10-с үбүлүөйдээх сылын бэлиэтиир. Уопсастыбаннай тэрилтэ үлэтин…
Ахсынньы 26 күнүгэр Бүтүн Арассыыйатааҕы “Полиция Тымныы Моруос Оҕонньоро” аахсыйа саҕаламмыта. Бу суолталаах тэрээһиҥҥэ кыттан,…
Бу күннэргэ Саха сирин талааннаах дьоно хаартан-муустан кэлэн иһэр саргылаах Саҥа дьылы көрсө араас оҥоһуктары…
Дьокуускай куоракка сылаас тохтобулларга оҕолор уруһуйдарын көрүөххэ сөп. Ол курдук, “Доҕордоһуу болуоссатын “ уонна “Центральный”…