Акана олохтооҕо счетчига суох уоту түөрт ый туһаммыта биллибит

Ньурба оройуоннааҕы суута «Якутскэнерго» ПАУо этиитинэн, олохтоох киһиттэн 135 772 солк. суумалаах төлөбүрдээх уоту счетчига суох туһаммытынан ирдэннэ.

Ол курдук, 2023 сылга Акана сэлиэнньэтигэр энергетиктар чааһынай дьиэ дуогабара суох уот ситимигэр холбонон олорбутун булбуттар. Хаһаайын хаммпаанньаны кытта дуогабар түһэрсибэтэх уонна түөрт ый устата босхо уотунан туһана олорбут. Ол эрээри, боротокуол толоруллар кэмигэр, хаһаайын уот төлөбүрүн толору төлөөбүт.

Суут көрүүтүгэр буруйдаах тиийбэтэх, ол иһин судьуйа кэтэхтэн быһаарыыны таһаарбыт — 135 772 солк. уоту туһаныыга уонна 5 073 солк. суумалаах судаарыстыбаннай пошлина төлөбүрүн төлүүргэ уураахтаабыт. Быһаарыы күүһүгэр киирэ илик.