Аканаҕа ууну ыраастыыр ыстаансыйа аһылынна
![](https://sakha-sire.ru/wp-content/uploads/2023/10/photo_5298623985854042197_y-1060x596.jpg)
Бу күннэргэ Ньурба улууһун Аканатыгар ууну ыраастыыр ыстаансыйа аһылынна.
-60 миэтэрэ дириҥҥэ сир аннынааҕы уу булуллан, скважина хаһыллан, ыстаансыйа дьиэтэ тутуллан, нэһилиэк олохтоохторо ыраас иһэр уунан хааччылыннылар. Марха өрүс таһынааҕы нэһилиэктэри ыраас иһэр уунан хааччыйыы улуустааҕы тосхолунан, «АЛРОСА»-тан киирэр үп суотугар тутулунна. Бэдэрээтчитинэн «Гидросфера» ХЭТ үлэлээтэ. Ыстаансыйаны урбаанньыт В.М.Харламов үлэлэтэр, Олег Николаевич Иванов диэн олохтоох үлэлиир киһини булбуттар. Ыраастаммыт уу син-биир Ньурба куорат сыанатынан атыыланыаҕа. Бүгүҥҥү бэлиэ күҥҥэ олохтоохторго уу босхо бэриллэр буолан, олохтоохтор үөрүүлэрэ улахан. Туруорсуулара олоххо киирэн ыраас уунан хааччыллан бары даҕаны үөрбүттэрин-астыммыттарын эттилэр, — диэн улуус баһылыга Алексей Иннокентьев иһитиннэрдэ.
![](https://sakha-sire.ru/wp-content/uploads/2023/10/photo_5298623985854042201_y.jpg)
![](https://sakha-sire.ru/wp-content/uploads/2023/10/photo_5298623985854042197_y-e1697774941861.jpg)
Сообщить об опечатке
Текст, который будет отправлен нашим редакторам: