Аккаастаннаххына, быраапкын быһыахтарын сөп

“Саха” НКИХ “Эйгэ” биэриитигэр адвокат Наталья Барбахтырованы ыҥыран, суол-иис саахалыгар сыһыаннаах ыйытыыларга хоруй ылбыттара.

Кини суол-иис быһылааныгар эмсэҕэлээбит киһи, холобура, сатыы киһи, хайаан да балыыһаҕа баран көрдөрөрүгэр сүбэлээтэ. Тоҕо диэтэххэ, дьиҥ олоххо маннык быһылаан кэнниттэн сорох киһи   доруобуйата мөлтүөн сөп. Уонна суол-тырааныспар быһылааныгар түбэспиттэр хайаан да ГИБДД-лар кэлэллэрин кэтэһиэхтээхтэр.

Сорох суоппардар ГИББД-лар арыгы испитин, испэтэҕин быһаартаралларыттан аккаастаналлар. Адвокат итинник түгэҥҥэ Административнай быраабы кэһии кодексыгар ыстатыйа баарын санатта. Ол курдук, аккаастанар түгэнигэр массыыналаах киһи эппиэккэ тардыллыан сөп. Боротокуол оҥоһулуннаҕына, 30 тыһ. солк. уонна 1,5-2 сылга диэри массыына ыытар быраапкыт быстар кыахтаах. Медчинчийиини хайаан да барыахтааххыт.

Онон наһаа туһалаах биэриини көрөргүтүгэр сүбэлиибит.