Хаартыскаларга ааптар уонна Григорий Турантаев түһэриилэрэ
Чурапчы сэлиэнньэтигэр «Дорожник» ХЭУо таһааттарбыт «От архиерейских дорог до асфальта» диэн кинигэтин биһирэмэ буолла.
Үөрүүлээх тэрээһиҥҥэ бу тэрилтэҕэ өр сылларга үлэлээбиттэр, кинигэ таһаарыытыгар үлэлэспиттэр, улуус, нэһилиэктэр салалталарыттан кэлбиттэр үөрэ-көтө киирэн олордулар.
Эҕэрдэ тылы бастакынан бу тэрилтэни өр кэмҥэ сатабыллаахтык салайбыт, кинигэни хомуйан оҥорбут Саха Өрөспүүбүлукэтин суол хаһаайыстыбатын үтүөлээх үлэһитэ Федор Чичигинаров эттэ. Кини кинигэ суруллуутугар үлэ хайдах барбытын, кимнээх кыттыбыттарын сиһилии кэпсээтэ, сыралаах үлэлэрэ түмүктэнэн айымньылара күн сирин көрбүтүнэн махталын тиэртэ.
Кинигэ тутулун, ис хоһоонун сиһилии улуустааҕы кииннэммит бибилэтиэкэ ситимин дириэктэрэ, култуура үтүөлээх үлэһитэ Вера Платонова билиһиннэрдэ.
Кинигэ Дьокуускайга «Көмүөл» издательствоҕа нууччалыы тылынан бэчээттэммит. 500 экземплярдаах, элбэх хаартыскалардаах, электроннай ньыманан ааҕыллар. Аҕыс түһүмэххэ наардаммыт. Суол тутуута Чурапчы улууһугар бастаан саҕаланыытын билиһиннэрэр архыып докумуоннарыгар олоҕурбут матырыйааллар киллэриллибиттэрэ болҕомтону тардар. Суол хаһаайыстыбата улууска сайдыытын историята, бэтэрээн суоппардар ахтыылара, суолу тутуу бэдэрээччиттэрин суруйуулара бааллар.
Эҕэрдэ тылы өр кэмҥэ өрөспүүбүлүкэҕэ суол оҥоһуутугар салайар үлэлэлэргэ үлэлээбит Дмитрий Макаров, «Дорожник» ХЭУо генеральнай дириэктэрэ Гаврил Владимиров, Чурапчы улууһун баһылыгын бастакы солбуйааччы Егор Сивцев, о.д.а. эттилэр.
Кинигэни таһаарыыга үлэлэспиттэргэ грамоталар, өйдөбүнньүк бэлэхтэр туттарылыннылар. Саҥа, дьоһун кинигэ күн сирин көрбүтүнэн эҕэрдэ ырыалар дьиэрэйдилэр.
Алексей Слепцов,
Чурапчы.
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…