Хаҥалас улууһун сүөһү иитэр хаһаайыстыбаларыгар кыстык этэҥҥэ саҕаланна. Ол курдук, 31 тыһыынча сүөһү күөххэ үктэнэрин туһугар үлэ-хамнас ыытыллар.
Итинтэн 233 сүөһү Булгунньахтаахха урбаанньыт Акулина Львова бааһынай-пиэрмэр хаһаайыстыбатыгар баар.
Хаһаайыстыба 2012 с. тэриллибитэ уонна “Кэскил” диэн ааттааҕа. Акулина Львованы кытта Лидия Данилова, Татьяна Данилова уонна Гаврил Михайлов үлэлээн, хаһаайыстыбаны атаҕар туруорбуттара.
— Саҥа саҕалыырбытыгар нэһилиэк дьаһалтатын өйөбүлүнэн хаһаайыстыбаннай ньыманан хотон туппуппут. 2013 сыллаахха биһиги комплекспыт бааһынай-пиэрмэр хаһаайыстыбата буолан, араас бырайыактарга кыттар кыахтаммыппыт. Сүөһүбүт ахсаана да сыыйа элбээбитэ, билигин 233 төбөнү кыстыкка киллэрдибит, итинтэн 120 ыанар ынахтаахпыт”, — диэн кэпсээтэ Акулина Львова.
2020 с. хаһаайыстыба икки хотону туппута. “Туймаада” ҮАПК харчы иэһээн, сайыҥҥы титииги тута сылдьабыт, саас бүтэриэхпит. Биллэн турар, үлэһит илии тиийбэт. Эдэрдэр тыа хаһаайыстыбатыгар үлэлиэхтэрин баҕарбаттар. Маныаха олорорго усулуобуйа суоҕа атахтыыр. Уонна үпкэ-харчыга да иҥнэр”, — диир Акулина Егоровна.
Хаһаайыстыба быйылгы кыстыкка 500 туонна оттоох киирдэ. 110 туонна сенаһы атыыласпыттар. Сыллата 16-20 т уотурбаны атыылаһаллар. Күүстээх ардахтан от хаачыстыбата мөлтөх да соҕус буоллар, тиийэр. Саха сирин бастыҥ ыанньыксытын, СӨ норуот хаһаайыстыбатын үтүөлээх үлэһитин, Хаҥалас улууһун бочуоттаах олохтооҕун Гаврил Романович Чепалов сырдык аатын үйэтитэр туһуттан сүөһү ахсаанын энчирэппэт туһугар кыһаллаллар. Маныаха Акулина Егоровна Львова тыа хаһаайыстыбатын сайыннарыыга анаммыт олоҕо төһүү буолар.
Санаттахха, оройуон бары көрүҥнээх хаһаайыстыбаларыгар кыстыгы этэҥҥэ туоруулларыгар сөп буолар от бэлэмнэммитэ. Ол курдук, тыа хаһаайыстыбатын туруу үлэһиттэрэ 23 тыһ. гектар сири охсон, 31 тыһыынча туонна оту кэбиспиттэрэ.
“Хаҥалас улууһа” МТ пресс-киинэ
Хаартыскалары: пресс-киин ыытта
Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…
Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…
Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…
Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…
Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…
…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…