Хаартыска Татьяна Алексеева тиксэриитэ
Атамай нэһилиэгэр Ала ууһа Атамайтан айдарыылаах, биир өбүгэттэн төрүттээх-уустаах, Нам улууһуттан Таастаах уонна Салбаҥ нэһилиэктэрэ кэлэн ыалдьыттаатылар.
Санатан эттэххэ, былыр 1632 сыллар инниттэн киэҥ сиринэн тэнийэн сыппыт Ала ууһа Атамай төрдүн-ууһун үөрэтэн, историяны хасыһан, элбэх үлэ ыытыллан, Атамай сиригэр-уотугар олорон ааспыт Ала оҕонньор ииппит уолаттара араас Аҕа уустарын тэниппиттэр. Билиҥҥитэ уопсайа 13 нэһилиэк Горнай, Нам, Кэбээйи сирдэринэн тарҕанан олороллор.
2015-2017 сс. Ала ууһун сыдьааннарын түмэр холбоһуктаах үбүлүөйдээх ыһыахтар Таастаах уонна Атамай нэһилиэктэригэр олус үчүгэйдик буолан ааспыттара. Быйыл Таастаах — 180, эһиил Атамай — 395 сыллаах үбүлүөйдээх сылларын бэлиэтээри олоробут.
Олохтоммут сибээһи быспакка, силигин ситимнээн, үйэтитэн, үбүлүөйдээх сылларбытын бииргэ бэлиэтииргэ анаан сүбэ мунньахха, кэпсэтиигэ, былааны ылыныыга муһуннубут.
Көрсүһүү түмүгүнэн үбүлүөйдээх сылларга Ала ууһун сыдьааннарын бары нэһилиэктэрин түмэн, Бырабыыталыстыба таһымыгар сөптөөх хамыыһыйа тэрийэн, үлэ былаанын бигэргэтэн бииргэ үлэлэһэргэ диэн буолла. Мантан саас бэлэмнэнии үлэтэ саҕаланыа. Барыы-кэлии, көрсүһүү, үөрэтии-чинчийии, онтон да атын араас хайысхалаах тэрээһиннэр элбэх буолуохтара. Биир дойдулаахтарбыт, олохтоохтор бука бары түмсэн историяҕа бэлиэтэнэн хаалар кэрэ түгэни мүччү туппакка бииргэ буолар баҕалаахпыт.
Татьяна Алексеева,
Атамай, Горнай.
Хаартыскалар Татьяна Алексеева тиксэриилэрэ.
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…