Хаартыска: видеоттан скрин
Бүгүн, кулун тутар 25 күнүгэр, Дьокуускай куоракка “Алаас ахтылҕана” диэн Чурапчы улууһун күннэрэ саҕаланнылар.
Суолталаах тэрээһин хатыҥнардаах чараҥнардаах, хампа-солко алаастардаах, тоҕус тоҕой томтордоох Чурапчы улууһа төрүттэммитэ 95 сылыгар ананар. “Алаас ахтылҕана” тэрээһин бу сарсыарда Чурапчы улууһун баһылыга Степан Саргыдаев уонна Чурапчы улууһун землячествотын салайааччыта, Ил Түмэн дьокутаата Дмитрий Поисеев “Саха” НКиХ “Саҥа күн” биэриилэригэр кыттыыларыттан саҕаланна.
Өксөкүлээх Өлөксөй аатынан норуоттар доҕордоһууларын дьиэтигэр Чурапчы күнүн үөрүүлээх аһыллыыта, “Чурапчыга күн тахсар” – улуус устуоруйатын сырдатар быыстапка арыллыыта буолуоҕа.
Фольклору сэргээччилэргэ «Куруубай хааннаах Кулун Куллустуур» (режиссер И.И. Бушков) П.А. Ойуунускай аатынан Саха академическай тыйаатырыгар испэктээк-олоҥхо буолуоҕа. Маны тэҥэ, «Чурапчы» тыа хаһаайыстыбатын производственнай кэпэрэтиибин оҥорон таһаарар бородууксуйатын атыыта, Чурапчы оһуохайа ыытыллыаҕа. Улуус салалтата Дьокуускай куоракка олорор улуус бочуоттаах гражданнарын, В.П. Решетников аатынан кырдьаҕастар уонна инбэлииттэр уонна В.И. Кононов аатынан Капитоновкатааҕы кырдьаҕастар уонна инбэлииттэр өрөспүүбүлүкээтээҕи интэринээт-дьиэлэригэр олорор биир дойдулаахтарын кытта көрсүөҕэ.
Куорат олохтоохторун, ыалдьыттарын бүгүн-сарсын үгүс интэриэһинэй тэрээһиннэр күүтэллэр. Бары тэрээһиннэртэн киирбит үп-харчы Байыаннай өйөбүл пуондатыгар бэриллиэҕэ.
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…