Хаартыска Мэҥэ Хаҥалас улууһун дьаһалтатын пресс-сулууспатыттан
Бу күннэргэ Мэҥэ Хаҥалас улууһун Хорообут нэһилиэгэр «Алаас-Ас» үүт аһы оҥорон таһаарар кэпэрэтиип саҥа сыаҕа үлэҕэ киирдэ. Саҥа сыахха киирии үөрүүлээх тэрээһинигэр ыраахтан-чугастан ыалдьыттар, үлэһиттэр, арыы сыаҕыгар араас сылларга үлэлээбит бэтэрээннэр кытыннылар.
Тэрээһин «Алаас-Ас» кэпэрэтиип үлэтин көҕүлээбит, төрүттээбит СӨ тыатын хаһаайыстыбатын туйгуна, үтүөлээх үлэһитэ, Хорообут нэһилиэгин бочуоттаах олохтооҕо Прокопий Плотников сырдык аатын үйэтитэр мемориал арыйыытынан саҕаланна диэн иһитиннэрэр Мэҥэ Хаҥалас улууһун дьаһалтатын пресс-сулууспата.
Улуус баһылыга Дмитрий Тихонов тыа хаһаайыстыбатын сайдыытыгар, олохтоох бэйэ оҥорон таһаарар үрүҥ аһын дэлэтиигэ үгүс кылаатын киллэрбит Прокопий Романович үлүскэн үлэтин ахтан-санаан туран, эдэр кэскиллээх салайааччыга Светоний Шестаковка саҥа сыахха үлэни-хамнаһы кыайа-хото тутарыгар баҕарда.
СӨ Тыатын хаһаайыстыбатын миниистирин солбуйааччы Артем Александров бэйэ оҥорон таһаарар аһын-үөлүн өрөспүүбүлүкэҕэ тэнитэргэ бастакы хардыы оҥоһуллубутунан бэлиэтээтэ, таһаарыылаах үлэни баҕарда.
«Алаас-Ас» кэпэрэтиип 2016 сыллаахха тэриллибитэ уонна күн бүгүнүгэр диэри үрүҥ аһы оҥорон, дэлэтэн кэллэ. Билигин саҥа сыахха бородууксуйаларын арааһын элбэтэр былааннаахтар.
2022 сыллаахха кэпэрэтиип тыа хаһаайыстыбатын «Ас-үөл» өрөспүүбүлүкэтээҕи быыстапка-дьаарбаҥкатыгар бастыҥ хаачыстыбалаах арыыны оҥорон таһаарар сыаҕынан ааттаммыта.
2018 сыллаахха Тыа хаһаайыстыбатын министиэристибэтин тутууга анаммыт гранын, 2019 сыллаахха анал тэриллэри атыылаһарга граны ылары ситиһэн, быйыл сабыс саҥа сыахха киирдилэр.
Арассыыйа Сэлиэстийэлиир кэмитиэтин Саха сиринээҕи салаатын Дьааҥы оройуоннар икки ардыларынааҕы силиэстийэлиир отделынан 45 саастаах эр…
«Черскэй бөһүөлэгин баһылыгын дуоһунаһыгар анал байыаннай дьайыыга кыттыбыт икки дьоһуннаах хандьыдаат туруоруммуттара. Быыбар кыайыылааҕынан Петр…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
Саха Өрөспүүбүлүкэтин Ил Дархана Айсен Николаев «Быһа лииньийэтигэр» ыытыллыбыт сылларыгар олохтоохтортон 10 тыһыынчаттан тахса ыйытыы…
Сайын устата кыстыкка бэлэмнэнии араас хайысхалаахтык ыытыллан, оттук сезона саҕаланна. Биллэн турар, барыта эриэ-дэхси буолбатах…
Мэҥэ Хаҥалас улууһун Судаарыстыбаннай автоинспекциятын отделениета иһитиннэрбитинэн, бэҕэһээ, балаҕан ыйын 18 күнүгэр 9 чаас 30…