А.Слепцов хаартыскаҕа түһэриитэ.
Чурапчы сэлиэнньэтигэр «Утум» түмсүү дьиэтигэр «Поэт олорбута, айбыта» диэн литературнай-музыкальнай тэрээһин буолла. Поэт, Россия суруйааччыларын сойууһун чилиэнэ, Саха Өрөспүүбүлүкэтин култууратын туйгуна, мелодист, үлэ бэтэрээнэ Василий Егорович Петров-Айыл төрөөбүтэ 75 сылыгар ананна.
Чурапчы улууһун кииннэммит библиотечнай ситимэ, Хоптоҕо нэһилиэгин «Үрдэл» норуот айымньытын киинэ, Чурапчы сэлиэнньэтин ,,Айыллаан» сынньалаҥ киинэ тэрийэн ыыттылар.
«Утум» быыстапкалыыр саалатыгар поэт олоҕун, айар үлэтин көрдөрөр маллар туруоруллубуттара болҕомтону тарта. Уруһуйдьут, фотограф, мелодист быһыытынан талаана эмиэ арыллан көрдөрүлүннэ.
Василий Егорович быраата Владимир Петров, аймахтара Мария Петрова, Евдокия Кузьмина, бииргэ алтыспыт, үлэлээбит табаарыстара Россия суруйааччыларын сойууһун чилиэнэ Павел Федоров-Сомоҕо, Ил Түмэн дьокутаата Семен Никитин, Хоптоҕо нэһилиэгин , «Күбэйэ» түмсүүтүттэн Клара Собакина, мелодистка Елена Чепалова, оҕо эрдэҕиттэн бииргэ үөскээбит табаарыһа Мария Герасимова, Дириҥнээҕи литературнай түмсүүнү төрүттээбит Дмитрий Эверстов-Диринскэй кэргэнэ Мария Эверстова, суруналыыс Алексей Слепцов о.д.а. истин-иһирэх ахтыы оҥордулар.
Айыл поэт хоһоонноро дууһа кылын таарыйар уйаҕастар-ураннар, дьоҥҥо тиийимтиэлэр. Ол иһин кини хоһоонноругар элбэх ырыа айыллар. 60- тан тахса хоһооно ырыа буолла, 25-һэ Саха араадьыйатын пуондатыгар бааллар. Киниэхэ 1965 сыллаахха мелодист аата иҥэриллибитэ.
Тэрээһиҥҥэ Василий Егорович сырдык кэриэһигэр анаан кини хоһоонноро ааҕылыннылар, ыллам ырыалар ылланнылар.
Сценаҕа туруоруллубут Айыл кинигэлэрин, киниэхэ анаммыт Хоптоҕо нэһилиэгин «Күбэйэ» түмсүү уран тарбахтаахтара тикпит сиэдэрэй панноларын сэргээн көрдүлэр.
Түмүккэ Василий Егорович Петров-Айыл «Чурапчыбын таптыыбын» диэн хоһоонун сүһүөххэ туран аахтылар.
Алексей Слепцов,
Чурапчы.
Бүгүн, ахсынньы 13 күнэ, САССР норуодунай артыыһа, сахалартан бастакынан улуу сирдьит Ленин оруолун саха национальнай…
Маны туһанан Арассыыйаҕа түөкүттэр сиэри таһынан баран эрэллэр. Куйаар ситимэ киириэҕиттэн бэйэтэ да түргэтээбит, ааһа…
Саҥа сылы көрсө харыйаны туруоруу, дьиэни киэргэтии аҥаардас бырааһынньыкка эрэ бэлэмнэнии буолбатах. Фэн-шуй этэринэн, бу барыта…
Биир үтүө күн маҕаһыыҥҥа бэркэ билэр дьахтарбын көрсө түстүм. Билэр киһи сиэринэн, үөрэ-көтө дорооболоһоору гыммытым,…
Дойду бэйэтэ оҥорон таһаарар аһынан-үөлүнэн хааччынар буоллаҕына, бигэ туруктаах, сарсыҥҥыга эрэллээх, дьоно-сэргэтэ чэгиэн туруктаах буолар.…
Чэпчэтиилээх куортам бырагыраамата 2022 сыллаахха Илиҥҥи экэнэмиичэскэй пуорум үлэтин түмүгүнэн, бэрэсидьиэн Владимир Путин көҕүлээһининэн, олоххо…