«Үрдэл» пааркаҕа алабайтан эмсэҕэлээбит дьахтар төбөтүгэр хас да тигиини оҥорбуттар. Маннык ынырык иэдээҥҥэ ким баҕарар түбэһиэн сөп. Сынньана тиийэн баран ыкка, буолаары буолан алабайга түбэһэр иэдээн.
Бэлиэтээн суруйдахха, Дьокуускайга 2021 сыл ахсынньы бүтүүтэ ыттар саба түһэн киһи өлүүлээх иэдээн тахсыбыта. Бу соторутааҕыта, тохсунньу 6 күнүгэр, Барнаулга алабай саба түһэн дьахтары өлөрбүт. Барнаулга өлбүт дьахтар идэтинэн быраас эбит. Оттон “Үрдэлгэ” дьахтарга саба түспүт алабайы тутан, “Помоги выжить” ыттары быстах кэмҥэ тутар пууҥҥа аҕалбыттара. Пуун үлэһиттэрэ ыты нэһиилэ тутан аҕалан килиэккэҕэ хаайбыттара. Бэрт эрэйинэн аһаппыттара. Оннук хабыр майгылаах ыкка түбэспиттэриттэн бэйэлэрэ соһуйбуттар этэ. Урут киһини ытырбыт ыты дьаһайан иһэллэрэ. Билигин сокуон хараҕынан киһиэхэ саба түспүт ыты үйэ саас тухары иитиллиэхтээх.
“Помоги выжить” пуун салайааччыта Екатерина Безрученко:
— Ыт килиэккэҕэ соҕотох турар. Күн аайы хааһы буһаран аһатабыт. Бу алабайы хаһаайыттара кэлэн ылбатахтарына, биһиги пууммутугар иитиллэ хаалар.
«Үрдэл” сынньалаҥ паарка салайар дириэктэрэ Алексей Васильев:
— Бэйдиэ сылдьар ыттар кыһалҕалара Дьокуускайга кэлиҥҥи сылларга сытыытык турар. Биһиги пааркабытыгар дьон көҥүл сылдьар, сынньанар сирэ буолар. Паарка чааһынай сектортан чугас буолан бэйдиэ сылдьар ыттар эмиэ көҥүл киирэ-тахса сылдьаллар. Ол иһин биһиги куруук бэйдиэ сылдьар ыты тутар сулууспалары кытта үлэлэһэбит. Бэйдиэ сылдьар ыты биһиги тутар бырааппыт суох. Бары билэргит курдук, ыттары сокуон көмүскүүр. Паарка сиригэр-уотугар сылдьар ыттары аһатар кытаанахтык бобуллар. Хомойуох иһин, сынньана кэлээччилэр үгүстэрэ ону тутуспаттар. Бу соторутааҕыта буолбут быһыы-майгы туһунан этэр буоллахха, алабай боруодалаах ыт биһиги пааркабыт сиригэр-уотугар чааһынай сектортан киирбит.
Ыт хаһаайыннааҕа моойторугуттан биллэр. Ыт дьахтарга саба түспүтүгэр биһиги үлэһиттэрбит суһаллык хамсанан бастакы көмөнү оҥордулар. Суһал көмө сулууспатын ону кытта полицияны уонна бэйдиэ сылдьар ыттары тутар сулууспаны ыҥырбыттара. Ыты тутан илдьэ барбыттара. Паарка дьаһалтатын аатыттан ыт хаһаайынын булан миэрэҕэ тардар туһунан сайабылыанньаны быраабы араҥаччылыыр уоргаҥҥа суруйбуппут. Билиҥҥи туругунан эмсэҕэлээбит дьахтары уонна кини аймахтарын кытта сибээһи тута олоробут, эмтэнэригэр көмөлөһөбүт.
Бүгүн, балаҕан ыйын 16 күнүгэр, өрөспүүбүлүкэ арҕаа өттүгэр, Өлүөнэ аллараа тардыытынан ардах, инчэҕэй хаар түһүөҕэ.…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…