Сэтинньи 14 күнүгэр Б.Ойуунускай аатынан Саха тыйаатырыгар “Алампа» аатынан норуот бириэмийэтин V төгүлүн туттарыы үөрүүлээх тэрээһинэ буолуоҕа.
Саха литэрэтиирэтин төрүттээччилэртэн биирдэстэрэ, классик суруйааччы, бэйиэт, драматург Анемподист Иванович Софронов-Алампа төрөөбүт күнүгэр, сэтинньи 14 күнүгэр, «Алампа» уопсастыбаннай бириэмийэ туттарыллара икки бүк үөрүүлээх. Роман Дорофеев режиссердаах «Ыллыым ээ, ыллыым» дьоро киэһэҕэ дресс-код быһыытынан саха маҥнайгы интэллигиэнсийэтин таҥаһын кэтэн кэлии биһирэнэр. Кыайыылаахтар кимнээх буолалларын тэрийээччилэр билиҥҥитэ кистэлэҥҥэ туталлар.
Үгэс курдук, култуура уонна ускуустуба салаатын бастыҥнарыгар туттарыллар “Алампа” бириэмийэ кыайыылаахтарын уопсастыбаннас уонна айар сойуустар бэрэстэбиитэллэрэ талаллар. Алампа 1935 сыллаахха алтынньы 22 күнүгэр Саха сиринээҕи сэбиэскэй суруйааччылар сойуустарыгар туһаайан, сахалыы суруллубут дыраама бастыҥ айымньытыгар кини аатынан бириэмийэни олохтуурга кэриэс этэн хаалларбыта. Ол да иһин, аныгы кэмҥэ кини аатынан бириэмийэни олохтооһун саха ускуустубатын түөрэҕин түһэрсибит бэйиэт кэриэһин толоруу, кини үрдүк аатыгар сүгүрүйүү бэлиэтинэн буолар.
Санатан эттэххэ, былырыын дьүүллүүр сүбэ быһаарыытынан, бириэмийэ 9 номинациянан туттарыллыбыта:
— «Дархан ойууһут» -– Иннокентий Иннокентьевич Корякин;
«Ырыа айааччы» -– Алексей Васильевич Егоров;
«Киинэ эйгэтин чыпчаал үлэһитэ» — Любовь Пантелеймоновна Борисова;
«Чаҕылхай артыыс» -– Алексей Прокопьевич Павлов;
«Чаҕылхай артыыска» -– Елена Дмитриевна Маркова;
«Дэгиттэр режиссер» — Руслан Игоревич Тараховскай;
«Алампаҕа сүдү бэриниилээх» -– Изабелла Александровна Сивцева;
«Идэтигэр сүдү бэриниилээх» -– Мария Гаврильевна Боппоенова;
«Өрөгөйдөөх өйөөччү» -– Вячеслав Васильевич Яроев.
Билиэттэр Олоҥхо тыйаатырын сайтыгар атыыланаллар: https://olonkhotheater.ru/
Сунтаар улууһун олохтооҕо хат итирик туруктаах массыынаҕа олорон сууттанна. Бу туһунан СӨ Борокуратуурата иһитиннэрдэ. Ол…
Мэҥэ Хаҥалас улууһун кыһалҕатын уонна кэскилин туһунан "Саха сирэ - Дьоруойдар сирдэрэ" бырагыраама кыттыылаахтара биллилэр.…
Кэнники сылларга Дьокуускай куоракка араас кыылы-сүөлү, хара, кыһыл саһыллары, тыҥырахтаах көтөрү, тииҥи көрбүттэрин, ааҕааччыларбыт хаартыскалаан…
Арассыыйаҕа сылын ахсын ыытыллар «Мисс Россия 2025» куонкуруска 90 тыһыынчаттан тахса сайаапка киирбит диэн ТАСС…
Нам улууһугар хортуоппуй уонна оҕуруот аһын үүннэриитинэн дьарыктанар бааһынай хаһаайыстыбаларга уонна производственнай кооперативтарга билигин саамай…
Саха сирин киин улуустарын олохтоохторо чаҕылхай күннээх «дьахтар сайыныгар» астына сырыттахтарына, өрөспүүбүлүкэ сорох улуустарыгар маҥнайгы…