Таатта улууһун норуот айымньытын киинин хаартыскалара туһанылыннылар
Дэгиттэр талааннаах улуу суруйааччыбыт А.И.Софронов -Алампа төрөөбүт күнүн көрсө Таатта улууһугар тэрээһиннэр үрдүк таһымнаахтык аастылар. Бу туһунан Таатта улууһун норуот айымныьытын киинин салайааччы Гаврил Вырдылин санаатын үллэһиннэ:
— Улуу киһибитигэр анаммыт тэрээһиннэр үрдүк таһымнаахтык аастылар. Ол курдук улууспут тэрилтэлэрин салайааччылара Алампа аатынан Ытык Күөл 1-кы нүөмэрдээх оскуолатыгар аһаҕас уруоктары ыыттылар. Оскуола иннигэр турар Алампа пааматынньыгар сибэкки дьөрбөтүн уурдулар. Маны таһынан Хадаайытааҕы уус-уран литэрэтиирэ түмэлигэр Алампабытыгар сүгүрүйдүбүт. Манна улууспут дьаһалтата, норуот айымньытын киинэ, түмэл кэллэктиибэ, Дьохсоҕон олохтоохторо, аймахтара кыттыыны ыллылар. 2012 сыллаахха Алампа көмүс уҥуоҕун Дьокуускайтан Тааттаҕа көһөрөн таһаарбыттарын аҕыннылар. Ити үлэ 2009 сылтан саҕаламмыта. Ол курдук Дьохсоҕон нэһилиэгин дьокутааттара улуу киһи уҥуоҕун дойдутугар таһаарары туруорсубуттара. Ити баҕа санаалара 2012 сыллаахха, Таатта улууһун 100 сылыгар туолбута. Оччолорго улууспут баһылыга Михаил Александрович Протодьяконов, Чөркөөх мусуойун дириэктэрэ Николай Ефимович Попов о.д.а улахан кылааттарын киллэрбиттэрэ. Тэрээһин кэмигэр эбиэттэн киэһэ «А.И.Софронов-Алампа төрөөбүт түөлбэтэ — Дьохсоҕон нэһилиэгэ» диэн суруктаах мэҥэ тааһы федеральнай суол кытыытыгар, Дьохсоҕоҥҥо арыйдылар. 2017 сыллаахха бу мэҥэ тааһы «Тааттаавтодор» АУо генеральнай дириэктэрэ Иван Иванович Бочонин туруорбута. Өрөспүүбүлүкэтээҕи Алампа бириэмийэ туттарыллыбыта биэс сылыгар бу мэҥэ таас аһылынна. Оттон биһиги, бу мэҥэ тааска табличка оҥоттордубут. Онон бу мэҥэ таас дьон-сэргэ сэҥээриитин ыла туруо, айанньыттар, сүгүрүйээччилэр сибэкки ууран ааһыахтара диэн эрэнэбит, — диэн кэпсээтэ.
Бүгүн, ахсынньы 13 күнэ, САССР норуодунай артыыһа, сахалартан бастакынан улуу сирдьит Ленин оруолун саха национальнай…
Маны туһанан Арассыыйаҕа түөкүттэр сиэри таһынан баран эрэллэр. Куйаар ситимэ киириэҕиттэн бэйэтэ да түргэтээбит, ааһа…
Саҥа сылы көрсө харыйаны туруоруу, дьиэни киэргэтии аҥаардас бырааһынньыкка эрэ бэлэмнэнии буолбатах. Фэн-шуй этэринэн, бу барыта…
Биир үтүө күн маҕаһыыҥҥа бэркэ билэр дьахтарбын көрсө түстүм. Билэр киһи сиэринэн, үөрэ-көтө дорооболоһоору гыммытым,…
Дойду бэйэтэ оҥорон таһаарар аһынан-үөлүнэн хааччынар буоллаҕына, бигэ туруктаах, сарсыҥҥыга эрэллээх, дьоно-сэргэтэ чэгиэн туруктаах буолар.…
Чэпчэтиилээх куортам бырагыраамата 2022 сыллаахха Илиҥҥи экэнэмиичэскэй пуорум үлэтин түмүгүнэн, бэрэсидьиэн Владимир Путин көҕүлээһининэн, олоххо…