Сэтинньи 14 күнүгэр киэһэ 18.30 чаастан Өксөкүлээх Өлөксөй аатынан норуоттар доҕордоһууларын киинигэр «Алампа таптала» кэнсиэргэ А.И.Софронов-Алампа аатынан бириэмийэ быйылгы дьыллааҕы туттарыыта буолуоҕа.
Бириэмийэни туттарыы иннинэ үйэлээх тапталы туойбут Алампа хоһооннорун ааҕыахтара, кини хоһооннорунан тыыннаах доҕуһуолунан кэнсиэр буолуоҕа.
Кэнсиэркэ артыыстар Ньургуйаана Шадрина, Александр Борисов, Руслан Тараховскай, Елена Маркова, Валерий Саввинов, Иванида Алексеева, Валентин Макаров, Анастасия Алексеева, Күннэй Николаева, Гаврил Менкяров, Ильяна Павлова, Илья Стручков, Мария Михалева кыттыахтара.
Манна даҕатан эттэххэ, быйыл олунньу 13 күнүгэр, Төрөөбүт тыл уонна сурук-бичик күнүгэр, Саха уонна Олоҥхо тыйаатырдарын холбоһуктаах бырайыактарын “Саха” НКИХ ханаалыгар көрбүппүт. Ол эбэтэр, Саха тыйаатырын сүрүн режиссера, СӨ ускуустубатын үтүөлээх диэйэтэлэ Руслан Тараховскай айбыт матыыптарынан истиҥ-иһирэх ырыалары саха телевидениетыгар “Алампа таптала” кэнсиэркэ астына-дуоһуйа истибиппит. Бу кэнсиэр үгүс саха киһитин дууһатын таарыйан, аны тыйаатырга туруоралларыгар баҕа санааларын тириэрдибиттэрэ. Дьэ, онон сэтинньи 14 күнүгэр “Алампа таптала” бырайыак өссө саҥардыллан, тупсарыллан, уларыйан тыйаатыр алыптаах сыанатыгар көрдөрүллэр буолбута ураты үөрүүлээх.
Билиэттэри https://olonkhotheater.ru/ Олоҥхо тыйаатырын сайтыттан атыылаһыахха сөп.
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…
Бүгүн, ахсынньы 19 күнүгэр, Татыйаас Филиппова «Дойду» диэн ааттаах фотопоэзиятын персональнай быыстапка, «Үргэл» арт-галереяҕа аһылынна.…
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…