Хаартыска: PxHere
Бу күнтэн ыла дойдуга албакаат идэтигэр ирдэбиллэр кытааталлар. Ол курдук, бу исписэлиистэри биир кэлим реестр испииһэгэр киллэриэхтэрэ. Маннык сокуон барылын бэҕэһээ, муус устар 10 күнүгэр, Госдуума дьокутааттара пленарнай мунньахха ылыннылар.
Докумуону дойду бырабыыталыстыбата көҕүлээн оҥордо. Мантан инньэ албакааттары судаарыстыбаннай реестр испииһэгэр киллэрэннэр, аһаҕас иһитиннэриигэ таһаарыахтара. Ити курдук, бу дьыаланан дьарыктаныан баҕалаахтары туһааннах испииһэккэ киллэрбиттэрин эрэ кэннэ үлэҕэ тахсыахтара. Аны туран, эдэр исписэлиис итэҕэс уонна сымыйа сибидиэнньэлэри биэрдэҕинэ, испииһэктэн уһулуохтара уонна албакаат үлэтинэн дьарыктанары кытаанахтык бобуохтара. Манна биири бэлиэтиир наадалах, Арассыыйаттан биир сылтан ордук атын дойдуга тахсыбыт гражданнар, албакаат буолар ыстаатыстарын сүтэриэхтэрэ.
Сокуонунан албакаат буолуон баҕалаахтарга тургутар эксээмэннэрин кэҥэтэн, кинилэри туһааннах хамыыһыйа хонтуруоллуоҕа, ону кытта киирбит үҥсүүлэри чиҥэтэн үөрэтиэҕэ. Бу хамыыһыйаларга билим уопсастыбатын бэрэстэбиитэллэрэ киириэхтэрэ. Итини сэргэ албакааттар юриспруденция, быраап эйгэтигэр үөрэхтэрэ эбэтэр сокуону, быраабы араҥаччылааһыҥҥа учуонай истиэпэннээх буолаллара булгуччулаахтык ирдэниэҕэ. Манан ирдэбил тохтообот, ол курдук албакаат икки сылтан итэҕэһэ суох юриспруденцияҕа үлэлээбит эбэтэр стажировка ааспыт буолара көрүллэр. Оттон «РФ Үтүөлээх юриһа» аат хаһаайыттара албакаат ыстаатыһын ыларга туспа эксээмэни туттараллара ирдэммэт буолуоҕа.
СӨ Бэтэринээрийэҕэ департамена иһитиннэрбитинэн, бу ыйга Мархатааҕы бэтэринээринэй учаастакка сылгылары иитэр киһи сибээскэ тахсан көмөҕө…
Кэбээйилэр халаан уутугар олохтоохтук бэлэмнэнэн олороллор, ол гынан баран, билигин даҕаны Батамайга, Сииттэҕэ, Арҕаска уонна…
Бүгүн – ырыа күнэ. Ырыа -- олох аргыһа диэн мээнэ эппэтэх буолуохтаахтар. “Саха сирэ” өрөспүүбүлүкэтээҕи хаһыат…
Дьокуускай -- Аллараа Бэстээх хайысханан паромнар ыам ыйын 25 күнүттэн сылдьан саҕалыахтара. Бу туһунан "Саха…
Ыам ыйын 20 күнүгэр халааны аһарыы боппуруостарын ЫБМ сэрэтиигэ уонна туоратыыга уонна өрөспүүбүлүкэҕэ баһаартан куттала…
Ытыктабыллаах Саха сирин олохтоохторо! Саха Өрөспүүбүлүкэтин салалтатын уонна тус бэйэм ааппыттан Полярник күнүнэн эҕэрдэлиибин! Бу…