Хаартыска: Дьокуускай куорат Дууматын пресс-сулууспата
Дьокуускай куорат Дууматын бэрэссэдээтэлэ Альберт Семенов бэйэтин үбүнэн МР-155 биир уостаах сааны атыылаһан, анал байыаннай дьайыы анаан туттарда.
Сааны туттарыы «Ханыл» диэн позывнойдаах РФ Оборуонатын министиэристибэтин бэрэстэбиитэлин кыттыытынан ааста. Туттарыллыбыт саалар, 5-с уопсай аармыйа састаабыгар киирэр Кутузов уордьаннаах 127-с мотострелковай дивизия байыастарыгар ыытыллаллар. Бу чааска Саха сириттэн сылдьар үгүс байыаннай сулууспалыыр.
Саалар өстөөх пилота суох көтөр аппарааттарын утары охсуһууга көдьүүстээхтик туһаныллаллар. Альберт Семенов бэлиэтээбитинэн, кини өссө 2023 сыллаахха саатын байыаннай дьайыыга сылдьар байыастарга туттарбыт, онон быйыл эмиэ биллэрии нөҥүө атыылаһарга күһэллибит.
«Өскөтүн бэйэҕит саата суох буоллаххытына, ол эрээри көмөлөһөр баҕалаах буоллаххытына, атын дьонтон чааһынай биллэриилэринэн туттуллубат сааны бэйэ үбүгэр-суотугар атыылаһыахха сөп. Сүрүнэ — сааны Росгвардия нөҥүө туттарылларын ситиһиэххэ наада», — диэтэ кини.
«Саха сирин олохтоохторо өрүү түмсүүлээх буоларбытынан биллэбит. Бүгүн биһиги бары биир сомоҕонон көмүскээччилэрбитигэр көмөлөһө сатыыбыт. Мин итэҕэйэбин, хас биирдии туттарыллыбыт саа — бу көннөрү саа эрэ буолбатах, бу — дьиэ кэргэнигэр хайаан да эргиллэн кэлиэхтээх биһиги саллааппыт быыһаммыт олоҕо. Күн аайы дроннар кутталларын көрсөр биһиги байыастарбытыгар дьиҥнээх көмө», — диэтэ Альберт Семенов.
«Биһиги туора турбат хас биирдии киһиэхэ махтанабыт. Туттарыллыбыт саалар биһиги байыастарбыт олохторун номнуо быыһыыллар, өстөөх дроннарын утары ситиһиилээхтик охсуһарга кыах биэрэллэр. Аахсыйа иккис түһүмэҕэр биһиги бүтүн дивизияны сэбинэн-сэбиргэлинэн хааччыйар былааннаахпыт, онон биһиэхэ өссө да элбэх саа наада. Бэлиэтиэхпин баҕарабын, сааны туттардахха, болдьоҕо ааспыт докумуоннар эбэтэр гражданскай сэп-сэбиргэл сыһыаннаах атын кэһиилэр иһин баар ыстарааптар бары уһуллаллар, — диэтэ РФ Оборуонатын министиэристибэтин «Хаҥыл» позывнойдаах бэрэстэбиитэлэ.
Сааны туттарыы аахсыйа быйыл атырдьах ыйын 29 күнүгэр диэри салҕанар. Саха сирин олохтоохторо сааларын Росгвардия лицензиялыыр отделыгар бу аадырыһынан туттарыахтарын сөп: Дьокуускай к., Дзержинскай уул., 35/1 дь. Сааны туттарарга пааспардаах, сааны харайарга уонна илдьэ сылдьарга көҥүллээх, ону таһынан сааны чехоллаах илдьэ кэлиэххэ наада.
Үөһээ Бүлүү улууһун Хомустаах сэлиэнньэтигэр саҥа искибиэр үөрүүлээх быһыыга-майгыга аһылынна. Бу РФ Бэрэсидьиэнэ Владимир Путин…
2022 сыллаахха оҥоһуллубут Саха сиригэр саҥа көлүөнэ «Экстра Синема» киинэ ситимэ өрөспүүбүлүкэҕэ креативнай индустриялар уларыйыыларын…
«Сулустаах» түөлбэ аттыгар саҥа үөрэх дьылын саҕаланыытыгар 990 миэстэлээх 40-с нүөмэрдээх орто оскуола аһыллыаҕа. Аныгылыы…
Владивосток куората «Саха сирин тимир суоллара» акционернай хампаанньа Куубагын иһин мас-рестлиҥҥэ аан дойдутааҕы турниры ыытарга…
Дьокуускайга Сэбиэскэй Аармыйа 50 сыла уулуссаҕа айан-сырыыны хааччахтыыр туһунан иһитиннэрдилэр. Уулуссаны сабыы нэдиэлэттэн ордук кэмҥэ…
Өрөспүүбүлүкэ үгүс мэдиссиинэ тэрилтэлэрэ холбоммут ТГ-ханаалга анал чаттарыгар бүгүҥҥү күҥҥэ 936 киһи тус ыйытыылардаах таҕыста.…