Саха Өрөспүүбүлүкэтин үтүөлээх артыыһа Альбина Дегтярева бүгүн Магадан куоракка соло кэнсиэри биэриэҕэ. Ааҕааччыларбыт, бука, тоҕо Магадааҥҥа диэн соһуйа иһиттэххит буолуо. Артыыстан кылгастык санаатын үллэстэригэр көрдөстүбүт.
— Магадан уобалаһын филармонията Норуот муусукатын Арассыыйатааҕы дэкээдэтин иитинэн алтынньыга кэнсиэрдии кэлиэҥ дуо, диэн өссө былырыын этии киллэрбитэ. Сайын национальнай бырааһынньыктарыгар бөлөҕүнэн кэнсиэрдиирбитигэр көрдөспүттэрэ эрээри, атын куоракка тэрээһиннээх буолан үһүөн кэлэртэн аккаастаммыппыт. Оччотугар алтынньыга хайаан даҕаны кэл диэн ыҥырбыттара. Кэлэр-барар айаным төлөбүрүн Магадааннааҕы куукула тыйаатыра уйунна.
Бу сырыыга соло кэнсиэри биэрэбин. Репертуарбар хомус, ырыалар баар буолуохтара. Бөлөх буоларбыт быһыытынан, ырыаларбыт үс куоласка арахсан толоруллаллар. Ол иһин бүгүн биир куоласка барсар аҕыйах ырыаны толоробун уонна үксүн хомуһунан композиция киириэҕэ. Хомуска да композиция сороҕо соҕотох киһиэхэ табыллыбат. Онон бүгүҥҥү кэнсиэргэ көрөөччүгэ таһаарар композияцияларбын эмиэ көрүнэн, суоттанан, чочуйан кэлбитим.
Тыйаатырдара дьоҕус. Быһа холуйан чаас курдук барыа диэн суоттанабын. Бу иннинэ соҕотоҕун Голландияҕа, Бельгияҕа кэнсиэрдэтэлээн турабын. Биллэн турар, үһүөн тутуспутунан сылдьарбытыгар үөрэнэн хаалбыппын, — диэн артыыс санаатын үллэстэр.
Колыма+ ылбыт кылгас интервьютун көрүҥ.
Хаартыска: СИАтан.
Мария Герасимова-Сэҥээрэ – норуот фольклоругар бөдөҥ исписэлиис, доҕотторо ытыктаан ааттыылларынан Ийэ чабырҕахсыт, чабырҕаҕы, олоҥхону, оһуохайы…
Ааҕааччыларбытыттан ыйытыылар киирэ тураллар. Соторутааҕыта быыһыгар маҥаннаах таба этин видеоҕа устубуттар этэ. Ону көрбүт дьонтон…
Бүгүн, сэтинньи 9 күнүгэр, Өлүөхүмэ улууһугар аналлаах оһуохай түһүлгэтэ бэрт тэрээһиннээхтик ааста. Куоракка олорор өлүөхүмэлэр…
Сэбиэскэй кэмҥэ эдэр ийэ-аҕа буола сылдьыбыт төрөппүттэр кырачаан оҕоҥ сылайдаҕына эбэтэр атаахтааҕына уоскута түһэргэ оҕо…
Бэҕэһээ, сэтинньи 8 күнүгэр, 35-гэр диэри саастаах быраастар, мэдиссиинэ сиэстэрэлэрэ, доруобуйа харыстабылын эйгэтин үлэһиттэрэ Николаев-Кииҥҥэ…
Саха тапталлаах ырыаһыта, ырыа айааччы, СӨ үтүөлээх артыыската Тамара Попова сыанаҕа тахсыа эрэ кэрэх, көрөөччүлэр…