Альбина Дегтярева хоһооннорунан кэнсиэрэ өссө буола илигэ

Юрий Былатыанап аатынан Эстрада судаарыстыбаннай тыйаатырын артыыската, аан дойду виртуоз-хомусчута Альбина Дегтярева-Айархаана Хомус Хотун кулун тутарга төрүт дорҕоон, тыл, хомус күүһүнэн ураты тыыннаах дьүһүйүү киэһэтин ыыппыта.

Альбина Дегтярева үбүлүөйдээх тэрээһиннэрэ салҕаналлар.

Бүгүн, кулун тутар 29 күнүгэр эһигини Ю. Е. Платонов аатынан Эстрада судаарыстыбаннай театрыгар «Ис уйулҕам тойуга» айар киэһэтигэр ыҥырар. Айархаана Хомус Хотун суруйбут хоһооннорунан эстрада кэнсиэрэ бастакынан буолуоҕа.
Бу эрэ киэһэ биир түһүлгэҕэ кини үөрэнээччилэрэ, доҕотторо бииргэ мустан, Айархаана Хомус Хотун хоһооннорунан ырыа буолан дуорайбыт эстрада ырыаларын бар дьонно бэлэхтиэхтэрэ.

Хоһооннорум ырыа буолан
Кынаттанан көппүттэрин,
Туспа иэйии, атын тыын
Кустуктанан түспүттэрин
Түһүлгэҕэ түмэ тардан,
Бииргэ тутан көрүөҕүҥ!