Альбина Кычкина: «Эрэгийиэннэр оҥорон таһаарыылара өйөнүөҕэ»

РФ Бэрэсидьиэнэ Владимир Путин бүгүҥҥү пресс-кэмпириэнсийэ кэмигэр  Арассыыйа экэниэмикэтин саппааһа  дойду иннин диэки бигэтик хардыылыыр кыахтааҕын бэлиэтээтэ. 

Бу туһунан СӨ урбаанньыттарын бырааптарын көмүскүүр боломуочунай Альбина Кычкина Урбаан министиэристибэтин телеграм-ханаалыгар санаатын үллэһиннэ:

— Быһа эпиир кэмигэр Арассыыйа Бэрэсидьиэнэ  ис ырыынакка дойду оҥорон таһаарар бренд бородууксуйата уонна табаара  30% улааппытын  уонна эрэгийиэннэр оҥорон таһаарыыларын өйүөххэ наадатын бэлиэтээтэ.  Саха сиригэр оҥорон таһаарыччаларга бу улахан сорук. Биһиги өрөспүүбүлүкэбит тарбахтарыгар талааннаах, көхтөөх, сонун сүүрээннэри тобулар дьонунан баай. Эрэгийиэн  брендэ — өрөспүүбүлүкэҕэ саамай өйөнүллэр уонна сайдар өрүт. Бу үлэ биһиэхэ тиһигин быспакка ыытыллар. Дойду баһылыга маннык бэлиэтээһинин  кэнниттэн араас дириҥ ис хоһоонноох бырайыак өссө элбиэҕэ — «Саха сиригэр оҥоһулунна» хамсааһын сайдыы саҥа саҕахтарын саҕыаҕа.