Эвелина Попова хаартыскаҕа түһэриитэ.
Бүгүн, олунньу 27 күнүгэр, Кемеровскай уобалас Междуреченскай куоратыгар «Югус» диэн хайа куруортугар «Азия оҕолоро» кыһыҥҥы спортивнай иккис оонньуулар хайаттан хайыһарынан түһүүгэ күрэхтэһиитэ буола турар.
Хайаттан хайыһарынан түһүү көрүҥэр Саха сириттэн икки кыыс уонна түөрт уол күрэхтэһэ сылдьаллар: Варвара Погудина, Альбина Папок, Александр Воробьев, Никита Иевлев, Глеб Красильников уонна Никита Авдеев.
150 м үрдүктээх хайаттан хайыһарынан түһэргэ икки старт бэриллэр. Икки түһүү түмүгэ эбиллэн, уопсай түмүк тахсар.
Ленскэй куорат үһүс нүөмэрдээх оскуолатын тохсус кылааһын үөрэнээччитэ Альбина Папок: «Маннааҕар үчүгэй көрдөрүүнү ситиһиэм дии санаабытым, ол да буоллар син бэрт түмүк дии саныыбын. Маннык улахан күрэхтэһиигэ кытта кэлбиппиттэн, өрөспүүбүлүкэ чиэһин көмүскүүрбүттэн үөрэбин. Тириэньэрдэрбэр, төрөппүттэрбэр махтанабын», — диэн хайаттан түһээт да санаатын тиэртэ.
Хомойуох иһин, билиҥҥитэ оҕолорбут көрдөрүүлэрэ мөлтөх соҕус. Күрэхтэһии бүтэ илигинэн уопсай түмүк биллэ илик.
Уус Алдан улууһун Кэптэнитигэр “Хаарбах туруктаах дьиэттэн көһөрүү" бырагырааманан саҥа таас дьиэ үлэҕэ киирдэ. Бу…
Бүгүн, ахсынньы 17 күнүгэр, өрөспүүбүлүкэ хоту, илин, соҕуруулуу-арҕаа өттүгэр кыралаан хаардыаҕа. Киин, арҕаа улуустарга туманнаах,…
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…