Альбина Тарабукина: «Олоҥхоһуттар утумнара салҕанар»

Олоҥхо ыһыаҕын биир сүрүн арыйыытынан ыраах Дьааҥы сириттэн Амма аатырбыт олоҥхоһута  Тимофей Захаров-Чээбий хос сиэнэ уонна хос-хос сиэнэ кэлэн кыттыыта буолла. 

Тимофей Захаров-Чээбий  тойуксут уола  хоту үлэлии сылдьан  Дьааҥыга тиийэн ыал буолан, олохсуйан  салгыы Чээбий сыдьааннара  ыччаттара тэнийэн,  күн бүгүн кини аатын дорҕоонноохтук ааттатар дьонунан буолбуттар.

Быйыл Муона чараҥар  ыһыллыбыт Олоҥхо ыһыаҕар кини хос-хос сиэнэ кырачаан Сандриян Бекешев  кэлэн, аатырбыт хос-хос аатын ааттатта. Чээбий сиэнэ, бу оҕо ийэтэ Сахаяна Бекешева — саха тылын учуутала. Олоҥхо ыһыаҕар кэккэ биэриини оҥоро сылдьан булан ылбыт арыйыыларын туһунан «Саха» НКИХ суруналыыһа Альбина Тарабукина бу курдук кэпсээтэ:

Дьэ, онон ыраах Дьааҥыга тиийэ аатырбыт олоҥхоһут Тимофей Захаров-Чээбий сыдьааннара аатырбыт хос-хос эһээлэрин аатын дорҕоонноохтук ааттатан, удьуор утума салҕанар.