Албын-көлдьүн силиэстийэлээччи дьахтар буруйданна

СӨ Борокуратуурата Уус Алдан оройуонун ИДьМ урукку силиэстийэлиир отделын силиэстийэлээччитин буруйу оҥорууга холуобунай буруйдааһынын өйөөтө.

Силиэдэбэтэл дьахтар ыарахан буруйу оҥорууга сымыйа докумуон оҥорбута билиннэ. 2022 сыл ахсынньытыгар сууттанааччы дьахтар ыарахан эчэйии төрүөтүн туһунан холуобунай дьыала силиэстийэлээһинин түргэнник түмүктүүргэ сымыйа боротокуолу оҥорбут. Кини доппуруос саҥа боротокуолун суруйбут, силисэтийэ көрдөрүүлэрин уларыппыт, ходатайстволары дьыалаҕа тиспэтэх.

Боротокуолга атын дьон аатыттан сымыйа илии баттааһыннарын оҥорбут уонна холуобунай дьыала матырыйаалларыгар сыһыарбыт. Түмүгэр суутунан сымыйа докумуон оҥоһуллубута быһаарыллыбыт.

Судаарыстыбаннай буруйдааччы этиитин ылынан, суут урукку силиэстийэлээччини түөрт сылга көҥүлүн быһарга усулуобунайдык үс сылга болдьохтоон уураахтаата. Ону тэҥэ быраабы араҥаччылыыр уорганнарга 2,5 сылга болдьоххо үлэлиир көҥүлэ быһылынна.