Василий Кононов хаартыската
Ил Түмэн пленарнай мунньаҕын бастакы күнүгэр албыннаппыт «дольщиктар» боппуруостара көрүлүннэ. Ол курдук, норуот дьокутааттара «Тутааччылар бэйэлэрин эбэһээтэлистибэлэрин толорботохторун түмүгэр эмсэҕэлээбит гражданнарга судаарыстыбаннай өйөбүл дьаһалларын туһунан» Саха Өрөспүүбүлүкэтин сокуонугар уларытыылары киллэрэр туһунан» сокуон барылын көрдүлэр.
Саха Өрөспүүбүлүкэтин сокуонун барыла Россия Федерациятын Президенэ В.В. Путин өлүүлэһэн тутуу кыттыылаахтарын бырааптарын көмүскүүргэ туһуламмыт 2022 сыл кулун тутар 25 күнүнээҕи Пр-542 №-дээх стратетическай соругун олоххо киллэрэр инниттэн, өлүүлэһэн тутууга киирэн эмсэҕэлээбит дьон бырааптарын көмүскээһиҥҥэ сокуону тупсарар туһуттан ырытыллан оҥоһулунна. Бу сокуон барыла Ил Дархан Айсен Николаев көҕүлээһининэн киирдэ.
Өлүүлэһэн тутууга албыннаппыт дьон бырааптара кэнники сылга быһаарыллыах курдук буолла, ол эрээри кэккэ кыһалҕа баар. Сокуонунан дьон олорбот эбийиэктэрин өлүүлэһэн тутуу кыттыылаахтарын кыһалҕата диэн эмиэ баар. Тутуу миниистирэ Павел Кылатчаанап дакылаатыгар өлүүлэһэн тутууга албыннаппыт дьон кыһалҕата быһаарыллан эрэр, быйылгы сылынан ити боппуруос быһаарыллыа, аны киһи олорбот эбийиэгин туттарыыга албыннаппыттарга көмөлөһүү соруга турар диэтэ. Онуоха дьокутааттар дьоммут олорор сирдэрин кыайан быһаарбакка сылдьаммыт, киһи олорбот эбийиэктэрин быһаарыыны, сокуон барылын ылыныыны тохтотуохха диэн быһаччы эттилэр.
Норуот дьокутаата Елена Голомарева: «Албыннаппыт дьон өлүүлэһиигэ укпут үптэрин олус өр кэтэстилэр. Ким эрэ үйэтин тухары тутуллубатах дьиэтигэр, кураанахтыы кирэдьиит төлүү сылдьар, ким эрэ ылыахтаах дьиэтин кыайан ылбакка олохтон туораата. Биһиэхэ итинник кыһалҕалаах дьон элбэхтик кэлэр, онон бастатан туран, дьон олорор дьиэтин быһаарыахпытын наада», — диэтэ.
Оттон норуот дьокутааттара Евгений Кожухов уонна Виктор Федоров олорор дьиэ тутуутугар албыннаппыт «дольщиктарга» барыларыгар көмөлөһөн баран биирдэ, киһи олорбот эбийиэктэрин быһаарыыга киириэххэ диэн санааларын эттилэр.
Дьокутааттар төһө даҕаны утарыласталлар, сокуон бырайыага бастакы ааҕыыны куоластааһын түмүгүнэн ааста.
Манчаары оонньуулара буолара биэс хонук хаалбыт күнүгэр, Булуҥ сэлиэнньэтин олохтооҕо, Саха Өрөспүүбүлүкэтин уус-уран оҥоһуктарын маастара…
Нерюнгрига быйыл 18-с сылын ыытыллар Олоҥхо ыһыаҕар Чурапчыттан 120-н тахса киһилээх улахан дэлэгээссийэ кыттыыны ыла…
Бу күннэргэ Нерюнгри куоракка ыраахтан-чугастан дьон-сэргэ тоҕуоруста. Олоҥхо ыһыаҕар олорор, сылдьар усулуобуйа хайдаҕый? ''Амикан'' этнокомплекс…
Бүгүн, от ыйын 3 күнүгэр, Эркээни ытык хочотугар Билим аччыгый академиятын дьиэтигэр XXXII Норуоттар икки…
ИДьМ Алдан оройуонун полиция отделын участковайдара бырамыысыланнай тэрилтэҕэ үлэҕэ киирээри сымыйа докумуоннары туһаныы икки түбэлтэтэ…
Байыаннай дьайыы кыттыылааҕа Игорь Марсунов от ыйын 10-14 күннэригэр Южно-Сахалинскай куоракка УИФУо бэтэрээннэрин ортотугар ыытыллар…