С.Львова хаартыската
Ньурба оройуонун суута 63 саастаах эр киһи холуобунай дьыалатын көрдө. Бу эр киһиэхэ РФ холуобунай кодексатын 318 ыст.1 ч. уонна 116 ыст. 2ч. холубунай дьыалалар тэриллибиттэр.
Ол курдук, Ньурба куоратын олохтооҕо эрдэ сууттана сылдьыбытын билиммэккэ, дуоһунастаах сирэйгэ мордьойбут. Кини маҕаһыын атыыһытын кытта хаҕа алдьаммыт сүөгэйтэн сылтаан кыыһырсыбыт. Эр киһи сүөгэй харчытын төлөөмөөрү гыммыт, онуоха атыыһыт алдьаммыт хахтаах сүөгэй иһин төлөбүрү ирдээбит. Онтон кыыһыран эр киһи холодильниктан хоруопкалаах үүтү ылан муостаҕа быраҕан алдьаппыт. Кини үүтү соруйан алдьаппытын иһин харчытын төлүүрүн билиммит. Тоҕо диэтэххэ соруйан алдьаппыт, оттон сүөгэй иһин төлүүртэн аккаастаммыт.
Маҕаһыын атыыһыттара эр киһини маҕаһыынтан үүрэн таһаарбыттар. Онно кыыһыран уорбаланааччы маҕаһыын үлэһитин хаста даҕаны төбөҕө охсубут. Үлэһиттэр суһаллык Росгвардия үлэһиттэрин ыҥырбыттар. Онуоха уорбаланааччы атаҕастаммыт курдук сананан, аны Росгвардия үлэһиттэригэр саба түспүт. Маҕаһыыҥҥа иккистээн төннөн киирбитин үүрэн таһаарбыттар уонна наручник кэтэрдибиттэр. Онтон кыыһыран эр киһи полиция үлэһитин сирэйигэр силлээбит.
Суут кэмигэр эр киһи буруйун билиммит. Ол эрээри, полиция үлэһиттэрэ боломуочуйаларын туһанан алдьаммыт хахтаах сүөгэй харчытын төлөтөргө күһэйбиттэрин иһитиннэрбит.
Эр киһи дьиэ кэргэнин, о.д.а балаһыанньатын көрөн баран, суут буруйдааҕы 1 cыл алта ый усулуобунай болдьоххо уурарга быһаарбыт диэн СӨ Холбоһуктаах суутун пресс-сулууспата иһитиннэрэр.
"Ялта-Якутск" диэн Крым өрөспүүбүлүкэтин олохтоохторугар анаан эрэгийиэннэр икки ардыларынааҕы бырайыак чэрчитинэн Саха сирин олохтоох норуоттарын…
Дьокуускайга Саха сириттэн Сэбиэскэй Сойуус бастакы Дьоруойа Федор Попов, итиэннэ Аҕа дойду Улуу сэриитин I…
Оскуолаҕа киириэм иннинэ Күөрүлэ диэн кыракый алааска олорбуппут. Аҕыйах туруу үлэһит дьонноох, сайдам-дьэллэм ыаллардаах алаас…
Дьокуускайга ыам ыйын 6 күнүгэр «Тэтим» араадьыйа 95 сылыгар хапсаҕайга аһаҕас турнир буолуоҕа. Ол туһунан…
Өрөспүүбүлүкэтээҕи 2 №-дээх балыыһа-Мэдиссиинэ суһал көмөтүн киинин хирургияҕа отделениета муус устар 22 күнүттэн Нерюнгри улууһун…
Бүгүн, муус устар 25 күнүгэр, Дьокуускайга Мэҥэ Хаҥалас улууһун дьаһалтатын салалтата уонна Арассыыйа билимин академиятын…