Алдан өрүскэ түспүт дьахтар өлүгүн буллулар

Саха сирин быыһааччылара Уус Маайа улууһугар өрүскэ түспүт дьахтары көрдөөбүттэрэ хаһыс да хонугар барда.

От ыйын  12 күнүгэр  21 чаас 45 мүн. Уус Маайаҕа Эдьээнтэн 15-20 км сиргэ Алдан өрүскэ   «Крым» мотуордаах оҥочо түҥнэстибитэ. Оҥочоҕо икки дьахтар олорсон испит.  1990 с.т. анал быыһыыр сэлиэччиктээх  тыыннаах хаалбыт дьахтары булбуттара.  1962 с.т. быыһыыр сэлиэччигэ суох дьахтары булбатахтара.
От ыйын 13 күнүгэр ууга түспүт дьахтары   10 олохтоох киһи  5 тыынан баран көрдөөбүттэрэ.

От ыйын 14 күнүгэр сайаапканан СӨ Быыһыыр сулууспатын Станислав Соломахин салайааччылаах  водолазтар бөлөхтөрө  көрдүү барбыттара.
Бэҕэһээ, от ыйын 20 күнүгэр, патруллааһын кэмигэр, көрдүүр бөлөх Күп сэлиэнньэтиттэн Алдан өрүс аллараа өттүгэр дьахтар өлүгүн буллулар.