Алдан өрүскэ уу ааһыытын иккис долгуна түмүктэннэ

Суһал ыстаап иһитиннэрбитинэн, Алдан өрүскэ уу кэлиитин иккис долгуна түмүктэнэн, уу таһымын муҥутуур бэлиэлэртэн намтаабыт. 

Уус Майа оройуонугар ууга барыан сөптөөх кутталлаах балаһыанньаҕа 10 тиэргэн баар. Эдьээҥҥэ — 5, Уус Майа — 4, Күп — 1.

Томпо оройуонугар оттуу барар сирдэр суоллара, «Быһаҕас» диэн Мэҥэ Алдан таһынааҕы нэһилиэк суола ууга барбыт.

Маны тэҥэ, муус устуута Өлөөҥҥө уонна Анаабырга салҕанар. Куттал суоһаабат.

Уу эбийиэктэригэр буруйу оҥорууну уонна быһылааны тахсыытын сэрэтэр, туоратар сыалтан, барыбыттан болҕомтолоох буолуу ирдэнэр. Уу эбийиэктэригэр куттал суох буолуута – биһиги барыбыт уопсай эппиэтинэспит. Бэйэбит уонна чугас дьоммут олохторун, доруобуйаларын харыстыыр туһугар, бары ирдэбиллэри тутуһан, сэрэхтээх буолуоҕуҥ! Этэҥҥэ сылдьыҥ!