Алдан өрүскэ уу таһыма түһэн эрэр

Алдан өрүскэ уу таһыма түһэ турар. Суһал ыстаап чахчытынан, ааспыт сууккаҕа 2-тэн 92 см. диэри түспүт. Арай, Алдан улууһун Угино гидрометеостанция учаастагар уу таһыма кыратык тахсыбыта бэлиэтэнэр – 19 см.

Чугастааҕы икки күн Уус Маайа уонна Томпо улуустарыгар эмиэ сууккаҕа 0,4-0,8 м. диэри түһэрэ күүтүллэр.

Өлөөн өрүскэ Таймылыыр нэһилиэнньэлээх пууҥҥа уу таһыма 1 183 см тэҥнэһэр (сууккаҕа 14 см эбиллибит), бу кутталлаах таһымтан кыра (2000 см).

Харыы гидропост аллараа өртүгэр баар.

Анаабыр өрүскэ Сааскылаах нэһилиэгинэн уу 741 см тэҥнэһэр (12 чаас устата 31 см эбиллибит), кутталаах таһым 1 170 см. Эрэгийиэн хотугулуу-арҕаа өттүгэр халлаан сылыйан, Анаабырга хаар күүскэ ууллар, бу уу таһымын таһаарар.

Уу эбийиэктэригэр буруйу оҥорууну уонна быһылааны тахсыытын сэрэтэр, туоратар сыалтан, барыбыттан болҕомтолоох буолуу ирдэнэр. Уу эбийиэктэригэр куттал суох буолуута – биһиги барыбыт уопсай эппиэтинэспит. Бэйэбит уонна чугас дьоммут олохторун, доруобуйаларын харыстыыр туһугар, бары ирдэбиллэри тутуһан, сэрэхтээх буолуоҕуҥ! Этэҥҥэ сылдьыҥ!

Бу туһунан Ил Дархан уонна Бырабыыталыстыба пресс-сулууспата суруйар.