Хаартыска: СӨ Ил Дарханын уонна Бырабыыталыстыбатын пресс-сулууспата
Билигин саалаҕа физкултуура уруоктарын ыыталлар, ону таһынан успуорт араас көрүҥнэригэр эбии дьарыктыыллар.
«Гимназияҕа успуордунан дьарыктанарга улахан болҕомто ууруллар. Маны барытан оҕолорбут үгүс ситиһиилэрэ көрдөрөр. Ол эрээри, хас да сыл устата биһиэхэ успуорт саалата суох буолан, оскуола оптуобуһунан гимназистары ДЮСШ саалатыгар физкултуура уруоктарыгар таһар этибит. Онон саҥа сырдык, киэҥ уонна кэрэ успуорт саалата үлэҕэ киирэн биһиэхэ дьиҥнээх бэлэҕинэн буолла. Маны сэргэ киокусинкай каратистара билигин бу саалаҕа үөрэ-көтө дьарыктана сылдьаллар», — диэн Алдан гимназиятын дириэктэрэ Мария Витевская кэпсээтэ.
Успуорт саалата аһыллыаҕыттан уонна саҥа анал успуорт тэриллэрэ ылыллыаҕыттан, оҕолор каратэнан, киокусинкайынан, тустуунан, чэпчэки атлетиканан уонна баскетболунан дьарыктаналлар.
«Мин киокусинкайынан алтыс сылын дьарыктанабын. Күөх поястаахпын, күрэхтэһиигэ бириистээх миэстэлэрдээхпин. Саҥа успуорт саалатыгар эрчиллиилэр ыытылларыттан олус үөрэбин», — диэтэ Алдан гимназиятын 5 кылааһын үөрэнээччитэ Владимир Хинельцев кэпсээтэ.
Алданнааҕы гимназияҕа модульнай успуорт саалата Бэрэсидьиэн Уһук Илиннээҕи субсидия чэрчитинэн Саха сиригэр тутуллубут успуорт саалалартан саамай улахан эбийиэгинэн буолар. Саала иэнэ 776 кв.м. Алдан гимназиятыгар успуорт саалата РФ Бэрэсидьиэнин Уһук Илиҥҥэ боломуочуйалаах бэрэстэбиитэлэ Юрий Трутнев сорудаҕынан тутулунна.
Ааспыт сылга Уһук Илиҥҥэ барыта 25 саҥа успуорт саалата үлэҕэ киирбитэ, өссө итиччэ элбэх саҥа тутуллара күүтүллэр.
СӨ Ил Дарханын уонна Бырабыыталыстыбатын пресс-сулууспата
Биэнсийэни анааһыҥҥа ийэлэр бары оҕолорун көрбүт кэмнэрин ахсаанынан хааччахтааһына суох учуоттуур буолуохтара. Бу хос ааҕыы…
Саха сиригэр суукка иһигэр 3 буруйу оҥоруу тахсыбыта бэлиэтэннэ. Бу туһунан СӨ Борокуратууратын пресс-сулууспата суруйар.…
Бүгүн, ахсынньы 24 күнүгэр, киин куорат уокуруктарынан уонна сорох улуустарынан быстах кэмҥэ өрөмүөн үлэтинэн сибээстээн,…
Күн астрономиятын лабораторията ахсынньы 24 күнүнээҕи геомагнитнай хамсааһын сабаҕалааһынын таһаарда. Лаборатория дааннайдарынан, ахсынньы 24 күнэ…
Cаха сирин синоптиктарын сабаҕалааһыннарынан бүгүн, ахсынньы 24 күнүгэр, Арктика кытылынан сорох сиринэн хаардыыр. Бу туһунан…
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…