«Алдан» киинэ норуоттар икки ардыларынааҕы  бэстибээл бирииһинэн наҕараадаланна

 «Алдан» киинэ Ю.Н. Озеров аатынан XXI Норуоттар икки ардыларынааҕы байыаннай киинэ бэстибээлигэр Евгений Родионов аатынан анал бирииһи ылла.

«Байыаннай дьайыы дьоруойдарыгар анаммыт «Алдан» киинэ байыаннай киинэҕэ патриотизм тиэмэтин кырдьыктаахтык көрдөрбүтүн иһин наҕараадаланна», — диэн өрөспүүбүлүкэ бырабыыталыстыбатын бэрэссэдээтэлин солбуйааччы Анатолий Семёнов хамаанданы ситиһиинэн эҕэрдэлээн бэлиэтээтэ.

Бирииһи киинэ режиссеругар Дмитрий Кольцовка туттардылар. Кини эппитинэн, бэстибээл дьүүллүүр сүбэтэ Саха сирин уонна Запорожье уобалаһын холбоһуктаах бырайыагын идеологическай фроҥҥа сөргүтүллэн эрэр фашизмы утары охсуһууга киллэрэр кылаатын үрдүктүк сыаналаабыт. Бэстибээл Арассыыйаттан, Беларустан, Казахстантан, Кытайтан уонна Сербияттан 80-тан тахса байыаннай-патриотическай киинэни түмтэ, бу биһиги кэммитигэр маннык айымньылар суолталаахтарын тоһоҕолоон бэлиэтиир. Быйылгы бэстибээл Аҕа дойду Улуу сэриитигэр Кыайыы 80 сылыгар,  Аҕа дойду көмүскээччитин сылыгар уонна Тула дьоруойдуу көмүскэниитигэр ананна.