«Алдан» киинэ прокаттан хомуура 10 мөл. солк. куоһарда

«Алдан» патриотическай драма — байыаннай дьайыы дьоруойдарын хорсун быһыыларын туһунан кэпсиир уус-уран киинэ дойдуга бастакы премьератыттан, ыам ыйын 1 күнүттэн, прокаттан 10,03 мөл. солк. хомуйда.

Саха сирин уонна Запорожнай уобалас холбоһуктаах киинэтэ биир кэлим АИС пуонда көрдөрүүтүнэн, 24 тыһыынчаттан тахса көрөөччүлэммит.

«Алдан» киинэ сюжета ИТ-урбаанньыт олоҕун туһунан кэпсиир. Персонаж дьиҥнээх прототиптаах. Киинэ хамаандата Николай Потапов олоҕун историятынан сөҕөн-махтайан байыаннай дьайыыга анаммыт драманы уһулбуттар. Билигин байыас бааһыран баран, төрөөбүт дойдутугар төннөн, таптыыр дьыалатынан салгыы дьарыктанар.

Санатан эттэххэ, прокаттан киирбит үп-харчы сорҕото байыаннай дьайыыга көмөҕө уонна патриотическай киинэлэри сайыннарыыга ыытыллыаҕа.